影片
以上资料只供参考，请与餐厅确认详情
招牌菜
系团购见到好似几抵就去食，点知加埋服务费完来根本无差别既，只系唔洗加一咁啰，都有少少觉得唔抵嫁喇，不过如果食物好就无所谓啦(以为佢应该唔差)，点知中晒大伏啰！服务员态度十分差，完全好似我差佢钱咁。可以话系呼呼喝喝既态度，就连递交Order纸都黑口黑面咁，可能佢地系餐厅工作压力都好大啦！所以都无理了，不过讲真做得饮食业既真系好重视态度啰如果讲刺食既，最紧要一定系新鲜啦！但系我竟然可以系墨鱼片度食到发泡胶粒，仲有三文鱼食到有骨！坦白讲食左咁多间都真系第一次( 返企仲轻泻)至于寿司、手卷，卖相唔吸引都算，d饭系极淋呀，完全唔干爽咁之后到佢地既甜品，除左泡葵系正常之外，其他都好似无咩特别咁，唔算好伏既，但就唔好味啰不过佢既熟食系okay既，值得推介咪有炒蚬啦、肉躁饭啦、三文鱼腩、鸡翼啦，都真系好热同好味既
继续阅读
今次黎左依到食野,佢真系非常多款式,咁我地都算多人既,一开始就叫左几款小食,有依个蟹籽肉松沙律、中华沙律、同埋螺肉，小食黎讲依到唔错嫁,碟碟都系细细碟最岩咩都想，试到个味就够喇。个蟹籽沙律唔错,有少少肉松系裹面，青瓜丝同蟹柳丝都几好味，食落几开胃嫁，酸酸地唔过头就可以喇！而个螺肉就比较浓味,几好软软地唔会太硬。。刺身料理刺身，就叫左三文鱼、甜虾、墨鱼片、鲍鱼片咁样。其实款式都算多,虽然唔系咩高质素既刺身,但食起上黎真系一DD唔差，感觉仲几新鲜，之后就到烧物,依样要得比够多,盐烧秋刀鱼、盐烧鲭花鱼、鸡肉串、凡立贝串,盐烧鸡中翼同埋和风烧薄饼。烧秋刀、烧鲭花就一般唔系好鲜,食落味道都唔差既，烧鸡肾反而几好食，个汁好正,凡立贝就真系非常好，一串两粒好大既带子，非常好。
继续阅读
一黎到..唔驶点等位,就入得去了...佢一黎就送左一盘刺身比我地食,三文鱼同甜虾OK,其他刺身麻麻...黎杯野饮先...叫左洛神花梳打,佢只杯几令...配埋特别既搅搅捧,味道酸酸甜甜的,几好饮我地开始叫左D刺身同寿司,三文鱼好普通味...但当你唔系叫好多,正系叫5片到,D味又会好味D,所以如果真系去,请少量咁叫..会整得好味D..其他野食鸡翼麻麻地...花之恋好奇怪,,面上用左青瓜做面..其他多数都系用蟹子系上面..搅到食落好怪..唔钟意牛柳粒...好普通...炸虾冇咩味,,,正系得火X三文鱼食得过...呢个就真系好味的...不过计番条数用成17X食我就觉得唔抵...得咁少野好味PS(我部电话系会影得D野食比较好睇D,但真实真系要食落先知哦~)
继续阅读
6093 浏览
3年前跟太太教会嚟过依度扫场一次，记得𠮶次印象唔错，食得大家好开心，事关有教会补贴，每人只喺出一旧水就唔停咁食足两粒钟，个次食评最后嘅总结喺：「其实依个教会价真系抵食到烂，不过你话俾番正价都可以考虑吓，整体质素属中间位高少少，始终有唔少嘢都好食，但同时亦有啲质素未达标，唯一好处喺一个地方食三处唔同地方嘢，一班朋友又好，一家大细老嫩又好，都可以各取其所！」今趟重临旧地，同样又喺太太教会搞大聚餐，再嚟扫过场 。事隔3年，环境都无乜点变，食物类别都大同小异，但似乎款式多咗，不过啲点菜纸就靓咗好多，色彩鲜艳，有图有相，并加埋数字同颜色嚟区分，12张点菜纸，No.1-12，类别由日式小食、汽水啤酒、刺身料理、台式料理、东瀛烧物、日式扬物、粉 / 面 / 饭类、港日式料理、新菜推介、寿司 / 手卷、火锅料理到精美潮流甜品，应有尽有，食物超过180款 。以今晚星期六晚5:30-6:00pm入座计，成人都喺收$159+10%（我哋人多餐厅免咗），任饮任食两小时，其实都抵架，当然，今晚我哋又喺俾紧教会价啦$100，哈哈！其实见佢周不时晌饮食杂志卖广告，有心剪埋低啲优惠券，就仲可以悭多少少。教会人多势众，依类聚餐一向都自由组合，既然有时限，快快手揾齐几个相熟老友，围埋一枱6个人就密密点，准备丧食。因为12张点菜纸有12个类别，除汽水嘢饮外，为免重复点到乱晒，大家分头行事负责点唔同食物，唔使问边个啱唔啱食，喜欢食啲咩，总之随个人喜好样样点少少一齐分享 ，啲嘢总有人啱食嘅，况且，有我包底嘛 。 日式小食6款日式小食点咗其中3款：蟹籽肉松沙律、中华沙律、味咐螺肉，最钟意喺碟碟都的的骰骰，试到个味就够喇。个蟹籽肉松沙律真喺有落肉松架，此外仲有青瓜丝同蟹柳丝，沙律用嚟开开胃嘅，酸酸咪咪就可以啦！而个味咐螺肉较浓味，螺肉软软腍腍，喺最惊遇上「擦胶」螺肉啫。 啤酒 / 汽水 / 热饮小弟今晚试饮咗两款嘢：玫瑰洛神花梳打和冻青苹果绿茶，以前者好饮啲，洛神花梳打酸酸甜甜，不过玫瑰味似乎欠奉。 刺身料理刺身点都喺属于贵价少少嘢，亦喺同枱较多人有兴趣嘅和食，所以，先后点咗3碟，离不开三文鱼、甜虾、八爪鱼、墨鱼片、鲍鱼片、马刀贝、鲷鱼、荣螺片等等。虽然唔喺咩高质素，但食起嚟都唔差，感觉算鲜味，至少唔会古古怪怪，又或有咩异味。 台式料理台式料理点菜纸一共有9款食物，不过，有啲唔多似台式㖞。不过，都唔理台式唔台式，啱食就喺合适。台北路边田螺、马拉盏炒时蔬两款都喺惹味菜，尤其前者，都好耐无食田螺喇，而且啲螺都几大只！ 东瀛烧物可能大家都钟意食香口嘢，所以烧物同扬物都点得比较多，就好似东瀛烧物类，剔吓剔吓就10款中拣咗7款，包括：盐烧秋刀鱼、盐烧鲭花鱼、炭烧鸡肉串、汁烧鸡肾串、机烧凡立贝串（唔喺矶烧，喺「机」烧，唔通揾机烧）、盐烧鸡中翼及和风烧薄饼。烧秋刀、烧鲭花麻麻哋，汁烧鸡肾反而几好食，而凡立贝串最有睇头，一串两大粒带子，最普通喺个和风烧薄饼，流流哋。由于相片上载所限，只好「下篇」再继续分享埋余下7类 ！
继续阅读
听朋友讲都ok，咪去试下啰，点知就中左伏！我系琴日去食，打电话去book枱既所以都唔洗点等，我22：15入既，个时都无咩人，见到好多空枱，我同男朋友望落去都觉得环境唔错，咁就开始落单啦，点知就发现真系好大获，个价钱同佢既服务同食物完全唔配合啰！我以后都一定唔会再利！ 系咁漏单！大佬丫，得个几枱客，我真系唔多明点解会漏咁多单啰，可以夸张到我要落3-4张一模一样既先会利反一次。。 佢一早卖晒既野，佢唔会讲声，等到我地等左劲耐，忍唔住问佢先知无！系咪如果真系唔问，咁我地就要一直等？食物质素差+量少+卖相差！（最夸张既系蚬类同甜品类既食物）叫左1客清酒蚬，大约10只，竟然系得面头个3旧肉，其他全部系空壳。。2客芝士蛋糕，细到夸张，好心佢就唔好用咁大只碟去衬托啦。。1客既糖不甩，系1pat野咁，真系见到都唔开胃。。（有相） 服务态度劲差！完全系无视，斋收左单就算，想问野，佢地明明就听到我男朋友叫佢，但系竟然可以照样走左去！
继续阅读