渝痴漁醉 (已結業)

朋友喜歡食辣野，之前試過呢一間話抵食又好味，我本身唔係太食辣，但係BB辣的程度還是可以接受的，於是就黎挑戰一下 ！這裏望落去地方尚算整潔光亮，座位唔算太多，只係店員較少，收拾東西會較慢，但都很有禮貌的 ！這裏晚飯有個set dinner, 真係好經濟！有個主菜、小食、涼菜，中間兩個飯兩個飲品 ！我們在額外加多一兩個餸 ，今日都係食左$400左右 3個人！價錢都好合理！酸菜魚 ：酸辣度唔太高，適合我，如能食辣的應該可以加辣 ，湯汁夠野味，魚片肉夠滑，無魚腥味！而且量份唔算少，3個人都夠食 。椒拌松花蛋 ：即係麻辣皮蛋 ，凍凍地的流心皮蛋，再加上麻辣汁，夠香口嘢味，係個唔錯的開胃菜 ！辣腸 ：炸到卜卜脆，比較乾身，所以感覺不太油膩 ！脆豬手 ：呢個比較辣，香脆，肉質唔會太諗，比較有口感！蒜泥白肉 ：呢個較為普通，未咸了一些，肉質亦唔夠嫩滑 。辣子雞 ：雞肉每粒都唔會太大粒！似雞髀位肉，夠香嫩，唔會炸到乾晒。