渝痴漁醉 (已結業)

外賣點了水煮魚和毛血旺。點單前和先生說這家菜單好像做得很用心，比如「朝天門」是重慶地標，「江團」也是重慶本地才有的魚種，菜品應該很不錯。充滿希望等來的結果是大失所望。如果說味道一般就算了，然而一點也不正宗。毛血旺裡午餐肉沒有、黃鱔沒有、黃喉沒有、毛肚沒有、竟然有魚片？？？蟹肉棒？腸仔？大概只有豆芽菜和血是唯一的原配了 呵呵呵呵。整個辣油沒有靈魂，水煮魚浸泡在辣油裡，甚至沒有花椒的麻味，如果說是在香港的改良版，未免也差得太離譜。失望！失望！失望！

六點前 可以$79 任食烤魚雞煲因為要就小朋友，揀咗個唔辣酸菜魚，唯有喺調味加返多啲豉油花椒油。條魚都好大條，食極都仲有肉，越煮得耐越入味，無加一，全自助，全部食材要自己去雪櫃到拎，都係一般火鍋料，魚蛋腸仔豬紅雞肉肥牛娃娃菜，仲有任飲汽水飲品，以呢個價錢，CP值很高了，推薦淮山麵超入味好食，地方少少，食得算舒服，食街坊生意。成間餐廳得兩個樓面，但一路都有人入嚟食，非常忙碌，態度殷勤，張單有寫住幾點要食完，非常清晰，可以再嚟食。

依間雞煲/烤魚放題，我哋今次㨂咗雞煲，上枱個雞煲聞到都幾惹味，食落味道都幾好味，份量都幾足，食完雞煲之後可以加湯，自助形式加配料打邊爐，價錢只係$99一位，任飲任食2個鐘，真係好抵食，所以都幾多人，基本上全場爆滿，門口仲有人等位，建議可以先致電訂位，咁就可以預準時間，方便啲！值得一提嘅係，最驚喜嘅係$99依個價錢連啤酒都任飲，而且仲要係韓國啤酒，真係超值，$99飲飽食醉，依間一定有下次，下次會再去。

99蚊免加1魚煲，仲要加68蚊有個海鮮盤有扇貝有鮑魚有蝦服務態度勁好侍應行過見我地就食完幫我地加肥牛有啤酒同野飲自己拎仲要有幾款啤酒選擇今次食蒜香魚，半個鐘之前先打尼book一坐低就有得食肥牛雞同丸都任食魚滑嘟嘟會下次想試埋個雞煲

之前喺群組見到有人寫渝痴漁醉$99/位放題，仲話好抵食，忍唔住終於試咗，為免去到要排隊，我一早打咗電話去訂位，訂定星期六，我哋一行6人，可以㨂兩款鍋底，我哋㨂咗一個雞煲、一個烤魚，一上枱聞到幾香，試咗味道都唔錯，我哋仲加咗$68，加咗個六品海鮮盛合，都算幾足料，值得一試，講明係放題，可以任食配料，品種都算唔少，有各款丸類、腸仔、蟹柳、肥牛、豬腩片、雞、薯粉、寬粉、芽菜、豆卜、蘿白、菇類、蔬菜等等，值得推介嘅係可以任飲韓國hite啤酒，仲有好多款唔同飲品，$99/位絕對超值。

晚市預約時間有6：00及8：00兩場，但內部溝通略嫌混亂，一次book6：45,但他們說得6：30同8：00有位，詢清楚朋友確實時間，2分鐘後再電話只有8：00位，最後6：30可以安排入座，但坐位都不是滿座。我們叫左麻辣魚，鍋底有適量配菜（大豆牙），味道都ok,但喜歡大辣的應該要order加辣，另外飲品任飲，有韓國啤酒（2款），可樂，罐裝竹蔗水。。。其他火鍋料都係任取，食材都算新鮮但款式略嫌少。。。環境方面一般，每張枱的距離都很近，有壓迫感，出去取食物時都唔係好方便，而且咁啱坐的位置有冷氣機吹風口滴水，跟職員反映，都無任何補救方法，只好移動坐位遷就。最尾付款沒有任何另加收費，無需加一服務費

之前食過水煮魚已經想試下尼間既烤魚。發現最近做緊$99雞煲/烤魚放題，仲要免加一，就馬上去食。餐廳唔大，大約有10張枱，接近6點就坐滿哂，所以book枱最穏陣，同埋唔知優惠做到幾時，最好打去問下。我地揀左雞煲，小辣。雞件肉質嫩滑，煮得夠入味，又麻又辣，非常惹味，重點雞皮唔似炸過好韌個隻。覺得小辣唔係好夠辣，侍應仲俾左一碟麻辣我地自已加，正！火鍋配料有蟹柳、腸仔、芝士腸、墨魚丸、牛丸、薯粉、雞件、肥牛、豬紅、羅白、薯仔、芽菜、芝士豆腐、菇、菜。選擇唔太多，最鐘意食薯粉、雞件、芝士豆腐同芝士腸，其他丸類肥牛係頹頹地既，但都唔係難食，符合價錢。用碟蓋住既火鍋醬油飲品選擇唔多，食雞煲至岩飲汽水。(個人口味S: 3.5/5)(個人口味E: 3.6/5)個人覺得尼間既雞煲係好食過最近旺角食個間，但火鍋配料就真係麻麻。不過雞煲先係主角，我有薯粉、雞件、芝士豆腐配埋惹味又麻又辣既雞煲汁就滿足啦。如果你對火鍋配料都有d要求既話，尼間就唔適合你啦。不過$99/位尼個價錢真係唔可以挑剔d乜。見到差唔多枱枱都係食烤魚，有機會都要試埋烤魚。

無意中發現原來有賣米線！叫左個特盛蕃茄米線餐外賣.好足料！除左肥牛少左d之外，其他餸好足！有魚腐 牛丸 墨丸 雲耳仲要加配小食同飲品都唔洗$50小食都有幾款可以揀女仔一個人未必食得曬成個餐😂.個人認為佢個蕃茄湯底幾好味個味比譚仔三哥果種天然d 當然應該都有加味精果d ga la但食落感覺冇咁假蕃茄味.總捨黎講係質素對得住佢個價錢值得一試會再幫襯

無聊睇下OpenRice評語 發現呢一間唔錯喎！而且又有雞煲、烤魚、四川野⋯原本諗住食西餐 但臨時就轉軚呢一間放工去到已經10點 入到去得一枱客坐低即刻嗌嘢食 問個姐姐邊隻魚係小骨小腥味 姐姐好似好猶豫望左個餐牌幾秒 er er 都答唔到 細細聲話er 桂花魚....但見到個餐牌桂花魚三百幾蚊有啲貴 都係揀返巴沙魚！揀咗個巴沙烤魚（豆花味）&炸子雞巴沙烤魚（$148）：嘩 好大條！一夾落去肉質鮮嫩 啖啖肉好正重點無腥味 小骨！！ 炸子雞（$98）：食過唔同鋪頭嘅炸子雞 呢一間算係中間、唔算好硬還可以凍檸茶($18)：冇乜茶味 可以不叫兩個人最尾都仲食剩小小 平時我係食好多的！食到好飽 抵食！性價比高😀好耐以前食過大陸某連鎖店的「x魚」覺得呢個價錢抵食過返大陸！以後喺元朗想食個種烤魚可以揀呢間下次會再嚟食其他菜式

家人生日，因為去ocean park 所以約了朋友比較夜既時間去晚飯。見佢收12:00又可網上預約所以去試試。點了口水雞、海蜇、同酸菜烤魚。口水雞好味而且好大碟亦平（$48）其他餸份量亦多，另外點了5樣配料夾烤魚邊爐～坐位唔逼亦可比你慢慢食，3人叫了以上份量價錢都不用$400，超值。另外，朋友最後留低了電話，因為發現時店內已關門。第二天早上去找電話時已是另一班伙記在上班。他們在櫃桶內找到前一晚幫我們收好的電話。因為車泊在路邊怕阻礙人所以匆忙走了，忘記向前晚臨收工剩下的男侍應道謝。他的服務真的很好，不斷主動幫助加湯。亦不會催促我們（後來先知收工時間改了11:30）還貼心地把朋友電話收好，萬分感激。因內裡很多重要資料，我們會再去的。

最近和丈夫見到呢一間餐廳，價錢極吸引，忍不住去試一下😋入座就有花生小食，花生外面有砂糖，我喜歡丈夫見到這個酸菜魚，便說要叫這個，不是超辣連不吃辣的我也可以吃上數口很快就上菜，魚挺滑的，丈夫吃完這個說夠飽我吃了木耳蒸雞，可能因為是即蒸，所以丈夫吃完酸辣魚，我的蒸雞才到。三十多元，份量不多，但以三十多元來說就抵食了。雞不鞋，成碟食光☺️加十蚊有三粒花枝丸最後重點！是黃糖滋粑！！為左我愛的黃糖滋粑，我可以常常來光顧😍😍

水煮二人餐($258)有前菜，小菜，主菜，白飯2碗，可樂2罐(每罐額外+$5)，紅糖桂花冰粉2客。主菜：水煮魚片魚片幾滑，有d魚香味，配埋又麻又辣既湯底，好正。配菜有薯粉、芽菜同青瓜。薯粉索哂成個麻辣湯底，最入味，辣得好過癮。辣度對我而言剛剛好，"友人"就覺得好辣，可以配飯緩和下無咁辣。可以挑剔既係，有部分魚片有碎骨，同埋有幾件大舊骨既魚件，無乜肉食。(個人口味: 4+3.5/10)小菜：雙椒雞丁同辣子雞既配料唔同。雞粒炸得乾身，唔太辣，偏咸，我唔會再叫。(個人口味: 3+3.3/10)涼菜：椒拌松花蛋好Q彈，啫喱既感覺，口感接近流心蛋，配埋麻辣汁，辣辣地幾開胃，不過食第3件會開始覺得膩。(個人口味: 3.3+3.4/10)跟餐送既紅糖桂花粉，甜味唔重，凍凍地可以解下辣。總結而言，尼一餐我好滿意(因為我鐘意食辣野)，食埋碗白飯真係超飽。性價比高，又唔使加一。不過餐廳唔算好多位，唔想等位就要早d去。下次會想試下烤魚($148感覺好抵食)。

第一次寫食評.川菜黎講..佢真係極度難食..又唔麻又唔辣..個酸辣薯絲完全唔係酸辣.後叫加酸加辣..拎番出黎一陣鎮江醋味..完全食唔到.個泡椒大腸..都係一樣..重有個川味桂花魚..淨食到一陣油味..食洛一啲都唔辣，再叫加麻加辣.岀黎得辣無麻，飲品無特別，旦野食係我食過至唔岩食一間.基本上個薯絲係食左幾啖，呢間絕對唔會再有下次..食大排檔都無咁嬲..

朋友喜歡食辣野，之前試過呢一間話抵食又好味，我本身唔係太食辣，但係BB辣的程度還是可以接受的，於是就黎挑戰一下 ！這裏望落去地方尚算整潔光亮，座位唔算太多，只係店員較少，收拾東西會較慢，但都很有禮貌的 ！這裏晚飯有個set dinner, 真係好經濟！有個主菜、小食、涼菜，中間兩個飯兩個飲品 ！我們在額外加多一兩個餸 ，今日都係食左$400左右 3個人！價錢都好合理！酸菜魚 ：酸辣度唔太高，適合我，如能食辣的應該可以加辣 ，湯汁夠野味，魚片肉夠滑，無魚腥味！而且量份唔算少，3個人都夠食 。椒拌松花蛋 ：即係麻辣皮蛋 ，凍凍地的流心皮蛋，再加上麻辣汁，夠香口嘢味，係個唔錯的開胃菜 ！辣腸 ：炸到卜卜脆，比較乾身，所以感覺不太油膩 ！脆豬手 ：呢個比較辣，香脆，肉質唔會太諗，比較有口感！蒜泥白肉 ：呢個較為普通，未咸了一些，肉質亦唔夠嫩滑 。辣子雞 ：雞肉每粒都唔會太大粒！似雞髀位肉，夠香嫩，唔會炸到乾晒。

前兩個禮拜食咗佢嘅王牌二人餐，差唔多六點半入座，已經坐滿一半人，點左佢既囗水雞，蒜泥青瓜，黃金墨魚餅，蔥油撈麵同埋傷心酸辣粉，上菜速度正常，份量適中，佢嘅口水雞最好食，用佢黎送面一流，我哋加錢叫咗兩杯野飲，熱奶茶都唔錯，好港式，食到中段嘅時候已經滿座，要同人搭枱，啲嘢食太多唔夠位擺，食得好狼狽，我見我對面張枱點左一條魚食，唔係烤魚果種，份量好細條，比手掌細，佢哋d staff 都幾親切,服務態度都唔錯