百味鮮辣蟹專門店 (已結業)

住附近一直都好想食呢間「百味」，經常性滿座，連平日都係，更何況星期五六週末，所以一定要訂位，唔訂位真係唔洗諗。襯食團年飯，媽咪想食蟹，所以揀左呢度，星期四平日都全場爆滿，果然好生意。餐廳職員都好熱心介紹，咁忙都勤力換碟，上菜都好快。食蟹前先黎飲碗靚湯，蟲草花燉雞湯，滿滿嘅湯料，非常足料，湯好鮮甜滋潤，真材實料原汁原味，功能養顏益腎，補肺養肝，還能增強人體免疫力，真正暖心又補身，冬天最啱就係滋陰養肺。歎完靚湯，當然到期待已久嘅避風塘炒蟹。避風塘炒蟹， 熱辣辣嘅蒜蓉香噴噴十分香口 ， 而蒜蓉覆蓋了整隻蟹，份量十足，蟹大大隻，新鮮有鮮味，肉質鮮嫩，由其是蟹鉗，啖啖肉，十分滿足，小辣十分惹味。炸蒜香辣不嗆喉，食左幾啖，像上了癮一樣，用黎送飯都一流！！蒸馬友，大大條多肉又無乜魚骨，好鮮美，火喉控制得啱啱好，好味！！炒豆苖，大大碟，鮮嫩翠綠，簡單淋上熟油，味道已十分鮮甜，最愛這種簡單的烹調方法。呢餐全家人都非常滿足，會再encore！！