顏府御膳 (已結業)

一般中菜食好多，搵啲有特色得黎又有經典菜式嘅餐廳食下先😁環境紅黑做主調，有紅色嘅經典感又有黑色嘅時尚感。仲有水晶燈添，好有格調坐低飲杯茶先，有個爉燭仔暖住，今日咁凍咄曬。仲有琥珀合桃，除非酒店竟然仲有餐廳做，有誠意👍🏻前菜叫左青瓜海蜇頭同鹽燒茄子🍆靑瓜木耳仔好爽，海蜇頭夠大片，無過多調味，開下胃。唔講唔知係茄子🍆四四方方、有少少孜然味道，幾特別。中菜點少得老火湯，啲個冬瓜荷葉清補涼湯，足料可以補補先。咕嚕肉好似好普通，煮得好食唔易架。個汁唔會太酸，仲有啲士多啤梨🍓同菠蘿🍍，有水果甜味好好食😋炸雲吞超脆，同個醬味道好夾。鐵板係中菜唔多，啲個鐵板沙薑陳皮煎雞係個好正嘅配合。沙薑同雞夾就一定，同陳皮原來都好夾，肉質仲要好滑，可以係上枱先用鐵板煎香，之後上碟又唔洗怕燶。