楚撚記大排檔 (寶光大廈)

营业中

休息中

🔶🔷🔶經典中經典 楚撚記你一定有聽過🔷🔶🔷。土瓜灣大名鼎鼎嘅楚撚記相信大家都有聽過，我自己都係多年捧場客，由舊鋪食到新鋪，環境乾淨企理左，食物質素都一樣keep得到。香煎黑松露手打蓮藕墨魚餅（$118）黎親我都要食呢道招牌菜，幾樣食材互相輝映，唔洗沾任何醬汁都已經好好味，送啤酒一流。菠蘿拔絲咕嚕肉（$119）另一招牌菜咕嚕肉耐唔食就會掛住，拔絲好似藝術品咁放係旁邊，咕嚕肉大大碟仲有唔少菠蘿同蜜桃，我鍾意將少少拔絲放上咕嚕肉一齊食。西楚霸王雞- 半隻（$158）霸王雞其中一個重點係食蔥花，雞件連雞胸部分都處理得好滑。晚市係會有甜品送，當晚有清心丸綠豆爽或者紅豆沙，兩款都比大部分甜品鋪整得出色！