Espuma (H8) (已易手) 新餐厅

天氣驟降，冬天終於來臨了。當然要食返個暖笠笠甜品，暖下身啦。大家一般以為只有中式甜品先可以滋補養生，但原來西式甜品都做到呢個的功效。今次就到尖沙咀的Espuma，餐廳位於餐廳林立的商業大廈H8內2樓全層。餐廳專誠推出冬季限定系列，我地點左香芋紫薯奶蓋、西柚蘋果茶及抺茶火鍋。西柚蘋果茶最大賣點在於拳頭咁大的雪耳置於杯面，相比平時喺其他食品或飲品只會將雪耳切成細絲，呢個飲品絕對係誠意之作。我將雪耳放入茶內浸泡，待雪耳吸到西柚和蘋果的味道，食的時候將只要將雪耳切成細件，咁就食到既爽口而且帶有酸酸甜甜茶味的雪耳，養生又好味。朱古力、芝士做火鍋之前就試過了，今次第一次食抺茶火鍋🍵，配料有泡芙、棉花糖、日式福餅、窩夫&生果，都好有驚喜。餐廳環境方面，地方寬敞極有空間感，坐得好舒服。節日假期，想搵個地方坐下，hea下，吹下水的話，真係一個唔錯的選擇。