影片
更多
2023-02-12
1054 浏览
慶祝梗係要食好D, 今晚黎到尖沙咀食廚師發辦. 餐廳日本風格裝修, 用上全木材料, 高雅舒適! 師傅一對一服務, 輕鬆享受師傅安排既食物同細緻既刀工! 今晚食物有刺身, 和食, 壽司, 湯同甜品. 小碟有日本蒜頭, 牛膀, 漬蘿蔔.前菜水雲漬, 帶微酸, 少爽口, 開胃! 慢煮鴨胸配芥末, 嫩滑味香. 螢光魷魚, 清爽可口!薄切鮫鰈魚, 裡面卷左日本蔥花, 魚香味鮮. 另外有燒過既鮫鰈魚裙邊, 好肥美, 炙燒後油脂更豐富更香.九洲長崎小長井生蠔, 好大隻, 肉質飽滿, 配土佐醋啫喱同柚子皮, 蠔鮮甜, 香味突出!鹿兒島間八魚, 上面上腩部位, 配辣麵豉. 下面係炙燒過既腩位, 配上柚子胡椒,醬, 厚切有口感, 魚既鮮味入口已經滲出!師傅話係北海道噴火灣捕獲當造既新鮮希靈魚, 原條起肉, 師傅用心細切多刀, 分解極細既魚骨, 令客人食得安心, 炙燒後配上芽蔥, 當造既希靈魚油份極多, 滿口滑嘟嘟! 愛知縣出產既象拔蚌, 添上柚子皮碎同青檸, 先滿足嗅覺, 脆卜卜既肉質, 鮮甜味美.煮熟既北海道毛蟹, 屬於蟹既大脾位置, 下面有蟹肉蟹膏, 蟹味鮮甜仲帶有海水鮮味, 好似即捕即食咁!中吞拿魚
慶祝梗係要食好D, 今晚黎到尖沙咀食廚師發辦. 餐廳日本風格裝修, 用上全木材料, 高雅舒適! 師傅一對一服務, 輕鬆享受師傅安排既食物同細緻既刀工! 今晚食物有刺身, 和食, 壽司, 湯同甜品. 小碟有日本蒜頭, 牛膀, 漬蘿蔔.
前菜水雲漬, 帶微酸, 少爽口, 開胃! 慢煮鴨胸配芥末, 嫩滑味香. 螢光魷魚, 清爽可口!
薄切鮫鰈魚, 裡面卷左日本蔥花, 魚香味鮮. 另外有燒過既鮫鰈魚裙邊, 好肥美, 炙燒後油脂更豐富更香.
九洲長崎小長井生蠔, 好大隻, 肉質飽滿, 配土佐醋啫喱同柚子皮, 蠔鮮甜, 香味突出!
鹿兒島間八魚, 上面上腩部位, 配辣麵豉. 下面係炙燒過既腩位, 配上柚子胡椒,醬, 厚切有口感, 魚既鮮味入口已經滲出!
師傅話係北海道噴火灣捕獲當造既新鮮希靈魚, 原條起肉, 師傅用心細切多刀, 分解極細既魚骨, 令客人食得安心, 炙燒後配上芽蔥, 當造既希靈魚油份極多, 滿口滑嘟嘟!
愛知縣出產既象拔蚌, 添上柚子皮碎同青檸, 先滿足嗅覺, 脆卜卜既肉質, 鮮甜味美.
煮熟既北海道毛蟹, 屬於蟹既大脾位置, 下面有蟹肉蟹膏, 蟹味鮮甜仲帶有海水鮮味, 好似即捕即食咁!
中吞拿魚腩, 捕於京都伊根町, 呢度既吞拿魚品質超肥美, 油脂量超豐富, 配少少竹炭鹽同wasabi, 已經令人滿載幸福感!
大吞拿魚腩, 屬於魚鮫位置, 正常大吞拿魚腩已經好滿足, 而且呢件係伊根町品種再炙燒, 配上日本蔥, 中和油膩感. 入口即溶, 油香同魚鮮味係口裡面逗留左一晚!
甲魚湯用上京蔥, 舞茸, 蔬菜, 同埋甲魚裙邊切粒. 清燉濃湯, 消一消口裡面既油膩, 再繼續下一輪食物.
日本柑桔, 微微酸, 帶甜味, 帶香味既柑桔皮, 半粒放入口, 即時幫助個胃消化. 增添食慾感!到壽司時間, 基本上每件壽司肉質都超上品, 鮮味十足, 跟本唔需要懷疑.
深海池魚油份高, 一下就滑左入喉嚨.
赤貝絕對唔腥, 少少腥味都無, 爽脆
生北寄貝, 新鮮既象徵, 同樣爽脆甜美!
北海道根室馬糞海膽, 極品中既極品, 鮮甜度超班, 仲要份量滿足!
北海道銀雪魚, 炙燒後配柚子胡椒醬, 油份緊次於吞拿魚, 香味十足!
北海道櫻鱒魚, 同樣經炙燒, 配薑蓉醬, 天然櫻鱒魚品種稀少, 香港都唔係間間食到, 而且運到港後要經特別處理, 矜貴.
匈牙利鵝肝, 香味濃郁, 入口即溶, 配上龍珠果啫喱, 消一消油脂.
麵豉湯同一般麵豉湯不同, 雖然外表正常, 但味道極濃, 雖然無乜材料, 但係鮮味十足!
綠茶奶凍超濃既綠茶味, 奶凍滑嘟嘟, 甜品一絕, 食多多都唔夠!
张贴
