和牛燒肉‧純

今日，朋友生日所以一早book左間食和牛好出名既餐廳，就係叫和牛燒肉純。特選日本產和牛肉眼：用上來自正宗既日本和牛，相信就係最高級別的A5級，所以牛肉肥脂平均，而厚度都有成一尺厚，所以食落不但入口即溶，而且牛肉的肉味都十分濃烈，牛味係口腔要過一段時間才會消失。特選日本產和牛排肉：牛排用上牛小排，所以食落唔會有太多骨，而且肉質軟滑，經過燒後還保持住牛小排的肉汁，食落會似食牛柳一樣這般軟身。特選和牛上肩眼：由於係牛上肩，所以食落肉質會比較有咬口，但肉味鮮甜，香氣十足，加上醬汁，牛味就更為突出。總括來說，這裡的和牛水準係絕對頂級，而牛肉質素又極佳，坐位又舒適，價錢又合理，絕對係食和牛的朋友必到之地。