影片
更多
2016-07-24
3024 浏览
最近每次講起打邊爐，必定有人會講起"鮮入圍煮" 的"原隻雞煲花膠湯底" ， 試過的朋友必定大力推薦，食評網的食評更大讚。一直心癢癢想試的我今日終於品嚐到"原隻雞煲花膠湯底"的威力，心裏喑叫: 果然絕非浪得虛名! 聽朋友建議，一早訂左枱，並且訂定花膠雞湯底，萬無一失。 當日7點入場，已經人頭湧湧差吾多爆場，好彩一早訂左枱！店內佈置似舊式大排檔風格，配上店內熱鬧的氣氛，雖然無舒適的環境(仲有d擠迫)，但別有一翻風味。環顧四周發現大部份食客都叫雞煲花膠湯底，令我更加急不及待想試。坐底後趕急點菜，連菜紙計埋湯底紙共有5張，全部分門別類， 十分清晰，而且選擇眾多，更有不少特色菜。但今次只有我同老婆仔二人橕枱腳，所以只點了幾款。濃厚原隻雞煲花膠湯底 $238(細)期待已久的花膠雞湯終於出場，一上枱已經飄出濃厚的雞湯香味， 煲內除了黃色的雞湯，更有大量花膠及半隻雞(估計是細煲的關係)。職員提示可以先品嚐雞湯，之後會補充雞湯作打邊爐之用。美味的湯汁除了濃郁的雞味，仲有少少濃稠的感覺，應該是大量花膠的骨膠原關係吧~~~ (呢個根本就係老火靚湯吧！)雞肉經過長時間煲煮後已經十分林，但肉質又吾會因此變得好"
店內佈置似舊式大排檔風格，配上店內熱鬧的氣氛，雖然無舒適的環境(仲有d擠迫)，但別有一翻風味。
環顧四周發現大部份食客都叫雞煲花膠湯底，令我更加急不及待想試。坐底後趕急點菜，連菜紙計埋湯底紙共有5張，全部分門別類， 十分清晰，而且選擇眾多，更有不少特色菜。但今次只有我同老婆仔二人橕枱腳，所以只點了幾款。
濃厚原隻雞煲花膠湯底 $238(細)期待已久的花膠雞湯終於出場，一上枱已經飄出濃厚的雞湯香味， 煲內除了黃色的雞湯，更有大量花膠及半隻雞(估計是細煲的關係)。職員提示可以先品嚐雞湯，之後會補充雞湯作打邊爐之用。
美味的湯汁除了濃郁的雞味，仲有少少濃稠的感覺，應該是大量花膠的骨膠原關係吧~~~ (呢個根本就係老火靚湯吧！)
雞肉經過長時間煲煮後已經十分林，但肉質又吾會因此變得好"鞋"。
花膠一開始食時唔韌，有點爽口，後期再食就會變得林滑。
由於太好飲的關係，一口氣飲左三大碗~~~ 之後叫職員加雞湯後開始打邊爐。
手切頂級牛肋骨肉 $188首先賣相已經攞滿分，牛肉擺法美觀，感覺就似牛肉山一樣豐盛。牛肉鮮紅色， 感覺十分新鮮，而且牛肉的脂肪紋理清晰及均勻，只係外觀已經令我流晒口水了。肉質方面算是厚切，咀嚼是有少少爽口的感覺，而且十分"林"， 更充滿牛肉味，無得彈~！！
蜂巢豆腐 $38豆腐內完全吸引了雞湯，十分美味。
原粒帶子小餃 $48/4粒餃子超大隻，皮夠薄又滑，肉饀內有3-4粒帶子，吾錯。
花膠墨魚丸 $88/6粒超巨型墨魚丸，應該有乒乓波咁大粒，墨魚滑撈上花膠粒整成丸狀。本身墨魚丸夠彈牙，配上爽口的花膠粒，美味且口感特別。
總結：原隻雞煲花膠湯真係無得輸！當老火湯飲或者打邊爐都係一絕，用料足夠晒火喉。另外火鍋料用料新鮮，款式多而且有特別的自家款式，相當吸引，難怪人氣咁高，果然絕非浪得虛名，打邊爐愛好者必試！
张贴
