博多拉麵別天神 (已結業)

好耐之前已經係太古康怡食過一次別天神拉麵，近年佢分店越開越多，話咁快已經係我屋企附近開了分店。諗唔到食咩嘅時候，拉麵一定係最好最穩陣的選擇，今晚就同女友試下紅磡這間別天神。我和女友點了一碗濃豬骨湯底的叉燒拉麵配餃子和一碗蝦味噌豬骨濃拉麵配小龍蝦蟹子沙律。拉麵的豬骨湯底造得非常濃而且好creamy，好似在飲忌廉湯。叉燒兩片亦造得厚薄剛好，好好味。餃子煎得幾好，味道正常。蝦味噌豬骨濃拉麵有大量櫻花蝦令到湯底極香，味道唔錯，另外，我仲好喜歡佢地提供的辣芽菜和蒜蓉，加入拉麵好香之餘，辣辣地可以提高食慾。最後，我最欣賞的係佢地所製作的小龍蝦蟹子沙律，細細舊但好濃味，蟹子脆卜卜，蝦肉味又好有口感，作為拉麵的前菜一流，是到訪別天神必叫的食品。