影片
更多
2020-10-19
320 浏览
從未去過一間服務態度咁差，啲魚生咁唔新鮮嘅日本餐廳！ ！ 一入去見咁少人，個心已經開始有少少猶豫。。但係爹哋媽咪話想食日本嘢，所以就試吓。服務態度-有一個手臂紋左身（紋身無罪，但除咗紋身同埋個極差嘅態度之外我諗唔到有乜嘢形容佢）嘅侍應，佢應該係覺得自己喺高級餐廳做。 唔該，比唔到嗰種服務態度就唔好扮清高，亦都唔好喺客人後面大大聲傾偈，禮貌地叫你麻煩浸水嘅時候又黑面，唔叫都唔會幫你加熱水，浸水又撞碗又撞杯，我究竟係咪去咗茶餐廳？ 就連我爹哋媽咪不嬲超級好脾氣嘅人都同我講話以後唔好再帶佢去呢間餐廳，哇啲服務態度好差，呢個價錢出邊有好多選擇。另外就係一個好高大，淨係識得企喺度唔知個作用係乜嘅人，只係用手語叫你度體溫， 然後另外一位同事負責帶位。如果好多客人一時應付唔到我會體諒，但係一點都係得嗰兩台客，依家更普通嘅餐廳啲侍應都識講唔該歡迎之類。。。初頭我以為佢唔識講嘢，直至佢同紋身嗰位同事大聲傾偈我先知佢唔係啞嘅。食物-叫咗個$588， 12件嘅壽司，冇一件我哋覺得新鮮或者好味。 亦都完全唔特別，唔係講笑，可能元氣壽司都仲好食過佢！ 另外薑汁豚肉飯（$180）鹹到一個點，我要係咁食啲飯先
一入去見咁少人，個心已經開始有少少猶豫。。但係爹哋媽咪話想食日本嘢，所以就試吓。
服務態度-
有一個手臂紋左身（紋身無罪，但除咗紋身同埋個極差嘅態度之外我諗唔到有乜嘢形容佢）嘅侍應，佢應該係覺得自己喺高級餐廳做。 唔該，比唔到嗰種服務態度就唔好扮清高，亦都唔好喺客人後面大大聲傾偈，禮貌地叫你麻煩浸水嘅時候又黑面，唔叫都唔會幫你加熱水，浸水又撞碗又撞杯，我究竟係咪去咗茶餐廳？
就連我爹哋媽咪不嬲超級好脾氣嘅人都同我講話以後唔好再帶佢去呢間餐廳，哇啲服務態度好差，呢個價錢出邊有好多選擇。
另外就係一個好高大，淨係識得企喺度唔知個作用係乜嘅人，只係用手語叫你度體溫， 然後另外一位同事負責帶位。
如果好多客人一時應付唔到我會體諒，但係一點都係得嗰兩台客，依家更普通嘅餐廳啲侍應都識講唔該歡迎之類。。。
初頭我以為佢唔識講嘢，直至佢同紋身嗰位同事大聲傾偈我先知佢唔係啞嘅。
食物-
叫咗個$588， 12件嘅壽司，冇一件我哋覺得新鮮或者好味。 亦都完全唔特別，唔係講笑，可能元氣壽司都仲好食過佢！
另外薑汁豚肉飯（$180）鹹到一個點，我要係咁食啲飯先叫做食得落肚。
絕無下次。
张贴