花園餐廳 (綠楊坊) (已結業)

絕對飽的午餐差不多一點去到，以為無位，原來入面好大，亦跟政府要求做足，台同台之間好寬，好舒服。都系同以前無乜改變的老店作風，夥計大大聲，一叫餐就叫你要埋餐茶。可以讚是上菜埋單都有效率，但野食包括意粉同包都系熱，仲有無收加一。茄蒜豬扒拼牛利意粉（56） 3分- 餐一上臺睇到真系好大塊豬趴啊！瘦中帶肥，食落都幾鬆，另外牛利都幾厚有兩大件，份量絕對好抵，但牛利煮得太長時間搞到太淋同無乜味；義大利粉硬度剛剛好，有咬口，但汁真係太小啦！西冷牛趴意粉（$56）4分-牛趴表面有小小帶香的黑焦，好香，更難得是一個特餐可以做到5成熟，牛肉味以午餐來睇係幾好。餐湯叫左羅宋湯，幾濃同帶肉味。