影片
更多
2016-06-21
1625 浏览
今晚，我終於黎到近來好hit嘅鮨文食omakase！🍣🍣雖然家住附近，但都從未踏足！直到朋友終於book到，我地都期待左呢日好耐！ 鮨文，其實就在安娜牛扒旁邊，輕鐵康樂路站下車穿過球場就到！門口好低調，但日本小店風格十足！一坐低，職員立刻送上熱綠茶，飲落去茶味清香回甘，唔係綠茶粉貨色！大家已經一口接一口的喝著。拎起菜單，貪心嘅我地四人都係點左匠！由㕑師用發板，用時令最好嘅材料泡製呢餐！好快，就先嚟左一個鮑魚汁煮蘿蔔同埋茶壺金箔蟹柳蒸蛋。 一片薄薄嘅鮑魚下面放著用鮑汁炆成嘅蘿蔔，鮑魚雖然細細片但係鮑魚味好濃，蘿蔔吸收哂鮑魚嘅鮮味，本身亦都好清甜無渣！頭一道前菜大家已經好驚喜！另外一味前菜，金箔蟹柳蒸蛋，蒸蛋上面鋪有一片片嘅金箔，感覺好尊貴。蒸蛋好柔滑，蛋味突出之餘亦帶有蟹腳嘅鮮味！前菜已經咁美味，令我哋對主菜都產生一定嘅期待！第一盤主角已經到場！我哋四個都大吃一跳！呢一盤以比較清淡嘅白魚為主，職員細心教導，魚生要有淺色食到深色，因為味道會越食越濃。由上至下分別係櫻鱒、大刀魚、深海池魚、雞魚同中拖羅！真係超豐富！櫻鱒係三文魚嘅一種，唔係成日有，油脂分布亦都好均勻！入口好鮮甜柔嫩！大刀魚嘅油
一坐低，職員立刻送上熱綠茶，飲落去茶味清香回甘，唔係綠茶粉貨色！大家已經一口接一口的喝著。拎起菜單，貪心嘅我地四人都係點左匠！由㕑師用發板，用時令最好嘅材料泡製呢餐！
好快，就先嚟左一個鮑魚汁煮蘿蔔同埋茶壺金箔蟹柳蒸蛋。一片薄薄嘅鮑魚下面放著用鮑汁炆成嘅蘿蔔，鮑魚雖然細細片但係鮑魚味好濃，蘿蔔吸收哂鮑魚嘅鮮味，本身亦都好清甜無渣！頭一道前菜大家已經好驚喜！
另外一味前菜，金箔蟹柳蒸蛋，蒸蛋上面鋪有一片片嘅金箔，感覺好尊貴。蒸蛋好柔滑，蛋味突出之餘亦帶有蟹腳嘅鮮味！前菜已經咁美味，令我哋對主菜都產生一定嘅期待！
第一盤主角已經到場！我哋四個都大吃一跳！呢一盤以比較清淡嘅白魚為主，職員細心教導，魚生要有淺色食到深色，因為味道會越食越濃。由上至下分別係櫻鱒、大刀魚、深海池魚、雞魚同中拖羅！真係超豐富！
櫻鱒係三文魚嘅一種，唔係成日有，油脂分布亦都好均勻！入口好鮮甜柔嫩！大刀魚嘅油分好高入口即溶，脂香豐腴😱！本身好厚好大，但入口之後響口中迅速溶化！玩口都係大刀魚嘅鮮味！小妹第一次食！感覺驚為天人！
深海池魚之前我都有食過，但呢度嘅感覺真係有啲唔同。呢度嘅池魚感覺結實少，有𡁻口，鮮魚味十足！
雞魚同埋中拖羅雖然都係鮮味十足，口感甚豐，完全沒有筋位，食得出係好新鮮上等嘅刺身！但比起剛才頭先三款刺身驚奇感稍遜。
另外一盤都緊接着出場！係一啲燒炙類或加左少少調味嘅刺身壽司。分別有金目鯛、帆立貝配黑炭鹽、赤鯥、鯖魚和石桓貝。金目鯛口感同三文魚差唔多，鮮味不用講，同樣有溶響口再滑入喉嚨嘅感覺。燒過口更能帶出油香！
職員亦解說帆立貝唔需要用豉油去調味，反而用黑炭鹽作吊味能更加帶出鮮味。我哋食落去，大家都兩眼一睜！果然好能夠感受到帆立貝嘅鮮甜。
赤鯥同鯖魚非我杯茶，平時仲會好驚鯖魚比較腥唔敢食，但今次我都嘗試放入口，果然完全無腥味！鮮甜嫩滑！
石桓貝係呢個時間最當造嘅貝類，果然肉質好爽口鮮甜彈牙。
終於都壓軸出場嘅一盤壽司，分別係魚子、海膽同埋甜蝦。恕小妹誇張一次！小妹從來無食過咁好味嘅魚籽😱，一食入口簡直叮一聲！粒粒魚子都好豐滿多汁！一咬開入面嘅魚子汁滿整個喉嚨！唔腥又鮮甜！最估唔到係海膽軍艦層海膽咁厚仲多過飯！呢個係由北海道馬糞海膽製成！十分creamy!! 仲保留小小嘅海水味，超甜！
對比起上黎甜蝦嘅驚喜度無咁大，但都係信心之選。
食過壽司之後，職員送上魶魚湯。一打開個蓋已經芳香撲鼻！個湯只用魶魚煮，味道剛好！入口嘅鮮甜非筆墨可以形容。
其實已經勁飽，最意想不到嘅係...連最尾個宮琦赤玉密瓜都咁令人愛不釋口！甜到爆！😱店員送到枱上嘅時候會噴上少少whisky，唔飲酒嘅我初頭都好擔心能唔能夠入口，但店員話噴少少唔會有酒味，反而會帶出密瓜嘅鮮甜味道。果然，佢冇講大話。初初入口都會感受到少少好輕微嘅酒味，但不需一秒過後密瓜嘅鮮甜已經好濃郁地散播到整個喉嚨，足以蓋過任何酒味。
我爸爸曾經教過我揀密瓜最緊要網紋夠深夠粗，你睇呢一個密瓜皮就係最典型嘅例子。可想言之佢甜嘅程度。原本小妹今日心情麻麻，無咩胃口，但咁美味嘅食物一件接一件。。😋😋我食到捧住個肚走！心情由差變好離開。。。美食都真係能醫百病。
张贴
