日月星快餐 (已結業)

咩叫隱世，就係你吾專登搵佢，都吾會發現得到，先可以稱得上“隱”依間日月星，位置係淘大同得寶既中間一條完全冇行人會行入去既巷仔，如果吾停低認真睇，都吾會睇到個招牌！絕對係隱！隱！隱！隱！隱！我好耐以前就已經久仰大名， 日月星嘅生炸雞脾，係各大排行榜都佔一席位，今日經過突然醒起，就叫左個生炸雞脾配腿治($29)，干炒雞翼公仔面(39)炸脾絕對正，多汁，好多汁，一啲啲干既感覺都冇，又嫩，識食就知佢吾係煮熟先炸，最緊要最緊要既係，皮脆，非常脆，炸脾之中最好而且沒有之一！不過，我食既果個吾夠熱，真係好可惜，吾夠熱都咁正，真係想知熱點會係點另外雞翼炒公仔面($39)，個雞翼不得了，都係生炸，依個就夠哂熱，真加香口，吾好講咩熱氣，如果食一隻雞翼就會生一粒痱滋(當然我冇)，咁我會食夠一打😏，真心正，不過大家可以單點雞翼，炒公仔面比較普通。整體黎講，依間絕對穩世好食，如果中意炸野，咁一定吾可以錯過，我建議大家叫熱啲/即炸，會食得更high😽