S2 鐵板燒 (已結業)

美女朋友聚會，當然要決定食餐好！路過新開嘅S2鐵板燒，感覺都唔錯，就入咗去試試！😀😀😀叫咗個最豪華話嘅海鮮大餐，嚟到真係嘩一聲！點解？今日隻龍蝦識郁架！勁新鮮！其他海鮮都好靚，師父未煮我都已經留口水！🤤🤤🤤其實食物新鮮就不在下話，最重要就係每一樣食物都整得好有心思，好似好普普通痛嘅鱈魚都可以用特製嘅醬汁，整得口味無窮，係沙律醬食，正！連三文魚都煎到外脆內軟，勁爽口有質感！😲😲😲帶子仲專登落咗清酒再加魚子一齊食，口感一流！其實令我最感動嘅就係最Basic嘅炒飯！我一向覺得炒飯雖說簡單，其實好唔好食都好睇師父功夫！我居然係到飽到飛起嘅時候，都好唔小心食咗兩碗！🍚🍚🍚個牛肉卷都勁正，師傅即場將蒜蓉，蒜片加辣椒，快速卷埋啲好靚嘅安格斯薄牛肉片，我個女仔朋友同我講，你唔好同我講嘢，我要專心食好嘢！🤣🤣🤣最後仲黎多個好特別嘅湯，係放喺一啲特製嘅膠袋煲，好得意呀！🍵🍵🍵不得不提嘅係師傅嘅功力都好強，每一樣食物都有精心設計，用心製作好有heart!💖💖💖我哋全程中用非常精心設計嘅小酒杯飲sake,真係好有mood既晚餐！🍶🍶🍶