番本日式放題 (已結業)

首先安排座位已經好亂，我同朋友8點50分去到，話9點鐘入，問佢使唔使攞飛，佢話唔使，9點鐘會入晒去。點知最後等到9點40分先入到去，安排實在需要改善。到落order，食物款式少唔在講，漏單情況極之嚴重！叫10樣嘢最多嚟得3－4樣。。。亦見到其他檯追好多次先有嘢嚟。我哋寫咗幾次同一樣嘅嘢但一次都冇嚟到！亦冇人話俾我哋聽點解會唔嚟！就算連一罐汽水都要入兩次單先有人拎嚟！ 放題重點係刺身，但佢啲刺身一啲都唔好食，得希靈魚係食得出有味嘅。。。焗蠔係搵唔到隻蠔，得啲cream，其他食物亦唔係特別出色。 唔好諗住入到去真係可以番到本，因為你唔會食到幾多樣你order嘅嘢。未試過食完放題係唔飽嘅，雖然叫咗好多嘢但係食咗好少嘢！總括嚟講絕對唔會再幫襯！