影片
更多
2018-05-20
734 浏览
今日去左銅鑼灣聚一聚久別回來嘅朋友，想搵一間溫馨得體嘅小店，見呢度menu 非常講究，生蠔又有優惠買一送一，一於訂呢度。首先前菜黎個自家製麵包，醬有香草茄子醬同辣肉腸南瓜醬，味道好獨家，會食上癮嘅香味。接下黎係重頭戲——生蠔！總共有三款，原價$88一件，美國pacific rock同法國Lambert都係折後$44一件，而西班牙Spain Pearl就折後$49一件。飽滿厚肉，好juicy，鮮味十足，after taste 帶甜味，非常滿足。跟住係法國鵝肝凍配無花果千層蘇皮，單單睇賣相、擺盤已經好吸引，咬落去，無花果清新、搭配薄薄嘅鵝肝凍，卻有濃郁鵝肝醬香味，絕配！鮮蘆筍蟹肉忌廉濃湯，裝嘅碟好大。睇落平平無奇，但用匙羹飲，每一啖都好濃、好有口感，齒頰留香。上完湯有焗白蟹肉卷，上面有黑魚子，加埋中東沙律，雖然細細份，但已經鮮味爆登，蟹肉足料。食主菜之前會上1個番石榴雪笆，可以清一清油膩感，餐廳對客人用餐感覺非常用心。主菜香草油浸伊比利亞羊配薄荷煙肉青豆蓉，個名好長，但好好食！羊肉慢煮非常嫩滑，外金黃內粉紅，恰到好處。配菜有我獨愛嘅焗全蒜，好滋味。最後以甜品做終結，綠茶焦糖燉蛋 ，甜絲絲，
首先前菜黎個自家製麵包，醬有香草茄子醬同辣肉腸南瓜醬，味道好獨家，會食上癮嘅香味。
接下黎係重頭戲——生蠔！總共有三款，原價$88一件，美國pacific rock同法國Lambert都係折後$44一件，而西班牙Spain Pearl就折後$49一件。飽滿厚肉，好juicy，鮮味十足，after taste 帶甜味，非常滿足。
跟住係法國鵝肝凍配無花果千層蘇皮，單單睇賣相、擺盤已經好吸引，咬落去，無花果清新、搭配薄薄嘅鵝肝凍，卻有濃郁鵝肝醬香味，絕配！
鮮蘆筍蟹肉忌廉濃湯，裝嘅碟好大。睇落平平無奇，但用匙羹飲，每一啖都好濃、好有口感，齒頰留香。
上完湯有焗白蟹肉卷，上面有黑魚子，加埋中東沙律，雖然細細份，但已經鮮味爆登，蟹肉足料。
食主菜之前會上1個番石榴雪笆，可以清一清油膩感，餐廳對客人用餐感覺非常用心。
主菜香草油浸伊比利亞羊配薄荷煙肉青豆蓉，個名好長，但好好食！羊肉慢煮非常嫩滑，外金黃內粉紅，恰到好處。配菜有我獨愛嘅焗全蒜，好滋味。
最後以甜品做終結，綠茶焦糖燉蛋 ，甜絲絲，綠茶味濃，燉蛋軟滑，配上一杯玫瑰花茶，完滿。
张贴
