壽司喰 (已搬遷) 新店位置

嗰晚三個朋友短聚，有人介紹俾我地，所以一於去試下。女友愛吃沙律，所以叫左2個。豬肉沙律d醬汁好好味，番茄沙律估唔到將個番茄整到玫瑰花咁，有驚喜！同女伴去食既朋友可以考慮下。魚生和壽司，好新鮮，好好味，嘗味温度亦佳，老實講唔差過依家好多新開的鮨店。我認為有日本中上水準。燒和牛, ok我認為熟左d，但因為和牛脂肪多點都唔會硬。但個汁有別於方間一般燒汁。大學可以試下。鰻魚飯，飯底配料丰富，增加了味道和口感。可惜鳗魚同日本差得遠，完全係港式。日本的鳗魚飯d汁唔會太多太甜，蓋過左鰻魚本身的味。可能香港人比日本人怕腥味，所以用汁蓋過。另外，肉既質感和口感既不是關東軟嫰，又唔係關西香酥，完全係港式雪藏。不過公平d講日本做鰻魚都係專門店，無得比。而且店家已經盡量在買相上做工夫，都算有心。天婦羅，不過不失，比好多香港的日本餐廳有水準。相當全面的餐廳，整體味道好，價錢合理，會返食！