隨心 (已搬遷) 新店位置

今晚收工自己一個人去咗鰂魚涌食飯， 其實自己食晚飯就比較少有.今日到有一間餐廳我都想試好耐就係呢一間隨心， 咁我就叫咗喇沙同埋海南雞。海鮮喇沙： 有帆立貝、豆卜、魚片、蝦、 芽菜 、 蟹柳同蛋， 其實呢個海鮮喇沙佢個湯底我覺得幾香濃同埋亦都唔算太辣而且佢個材料亦都比較多 我覺得一碗喇沙嚟講比拉麵更加抵食， 而且嗰啲河粉都好好食。海南雞肉我叫咗半隻，佢過海南雞都幾嫩滑同埋雞肉有雞味，冇冰鮮味， 再加上你食海南雞點埋佢嗰啲醬汁我覺得就更加好食。我覺得呢一間餐廳啲食物都算有質素 喺香港區嘅朋友可以試下呢一間餐廳， 午餐或者晚餐我覺得都可以選擇try try。