小嵐山 (已結業)

前幾日難得放工返家早，經過屋企附近留意到一啲之前被重重圍板圍住既樂富商場範圍解左封！原來開左間裝潢唔錯既日式料理店！難得在屋邨區竟然出現這類日本料理店，所以決定入去試試啦！進去以後，職員轉頭已好貼心甘遞上了一杯暖暖香香既玄米茶，然後好熱情甘介紹埋餐單上既是日推薦同當天新鮮既魚生！當中發現佢地其實魚生種類同料理款式都幾多選擇，唔怕唔食魚生既朋友冇野揀��而且配搭有創意之餘都幾令人期待��等左無耐就開餐啦!!!先黎一個天婦羅軟殼蟹��熱洪洪上檯 好鬆脆入口 但唔係太油 值得一提既係佢隻蟹唔係細隻 冇話炸完冇肉食 滿足��之後食日本野既重點黎啦��啖啖肥美��好厚切！仲有我最愛既入口即溶———火炙左口魚��試左佢魚生後，真係幾驚喜材料幾新鮮而且供應幾大方。可惜當日油甘魚賣哂��最後壽司同樣有驚喜，大大件，性價比高，正！總括講講，依家可以搵到用心經營 用材新鮮 平價而高質既餐廳已經太難，仲要近地鐵！支持小店,絕對會回頭既餐廳!