串酒里 (已結業)

假日嘅晚上，又同好姐妹出外覓食😋串酒里門口細細，真係行過都會錯過😂全靠佢飄出嘅陣陣食物香氣成功引來左我地兩隻為食貓！一睇餐牌發現好貼心為我地呢啲芝士迷劃分左個芝士專區！！由於係同好姐妹一齊食佢怕食太膩，我唯有好忍手的只點了芝士煙肉大菇、雙重芝士燒雞翼同芝士流心豬扒，無點到全芝士宴😂。泰式生蝦作前菜，蝦幾新鮮，肉唔會淋pat pat，醬料酸酸甜甜超開胃！原來串酒里嘅芝士菜式都係超邪惡！！完全係不省本咁成個面都係芝士！！絕對啱晒好似我呢啲芝士迷口味😋雙重芝士燒雞翼不過不失，味道配搭芝士出色，不過係燒得有少少過左。芝士煙肉大菇個重點係個菇，通常焗完個菇都會乾爭爭，但呢個菇竟然保留到原有嘅水份，值得一讚！！黑松露扇貝面頭放左好多嘅黑松露，一黎到已經超香！食落仲有大大舊嘅膏，超正！燒大虎蝦足足有一隻手咁長，肉質亦結實彈牙！最後嘅芝士流心豬扒嘅上面同切開都有滿滿嘅芝士食頭幾啖都覺得味道不俗，但之後就太膩食唔落了..建議一大班人嗌少食多滋味😋