影片
更多
2022-10-01
1780 浏览
原本諗住同成班親戚一齊去食飯，開開心心幫阿媽慶祝生日，但感覺十分差，第一：野食上菜慢，食完一碟，要等下一碟，食生日飯 諗住加埋d 菜，可以影大合照，上菜速度慢到我以為自己食緊法國大餐…其他台都上到成台菜…我地一早到左都仲要等上菜…問個部長，都係求其耍走我地。好啦，上菜慢唔緊要，寫野落單個陣，講到明要壽包，但就叫我地唔洗落住，最後先落，到最後食晒成餐飯，諗住落壽包，先同我講壽包賣晒！真係火都黎埋，一開始落單話落埋壽包，就叫我地唔洗落住，最後就話冇，賣晒，仲叫我地去百佳買，佢免費幫我地蒸，痴線…..最後臨急臨忙出去買蛋糕，差d令到老人家個生日飯冇壽包冇蛋糕！呢間酒樓一定唔會再幫襯！
张贴