鐵花村 (愛群商業中心)

营业中

休息中

北角一帶突然間開咗好多台灣菜！今次我去呢間係主打台東口味，我最推薦係個臭豆腐 超臭！我大愛！蚵仔煎：佢哋嘅蚵仔煎好有台東嘅風味，因為台東較多原住民聚居，所以會有好多蔬菜會放入台灣各種美食，而好似呢個蚵仔煎都一樣，入面除咗有好多鮮甜飽滿嘅蚵仔之外，仲有好多清爽嘅蔬菜喺入面，令蚵仔煎嘅油膩感銳減，亦可以增加口感。滷肉飯：滷肉飯入面嘅滷肉肥瘦均勻，有油香之餘亦有肉味，而滷肉飯嘅飯亦好講究，會加埋紅藜麥，令大家食得更健康。肉鬆起司蛋餅：蛋餅皮煙煙韌韌入面嘅餡料勁多肉鬆同起司係蛋餅嘅絕佳配搭，兩者令蛋餅增添不少口感味道嘅層次。臭豆腐：臭豆腐所用嘅豆腐都係嚟自台灣，係千層豆腐嘅一種，用嚟炸口感會更酥脆，而且更易入味，所以佢哋嘅豆腐離遠都聞到濃郁嘅臭豆腐味，但加埋佢哋秘製嘅醬汁，令豆腐嘅味道層次昇華，令人一食上癮。蚵仔麵線：麵線份量都幾大，一個人食哂會食唔到其他小食，入面嘅湯稀稠度控制得宜，唔會成口漿糊嘅感覺，而且麵線同蚵仔比例均勻，啖啖都能食到麵線同蚵仔。