鐵花村 (愛群商業中心)

营业中

休息中

📍北角抵食人氣地道台灣菜🇹🇼｜鐵花村 (๑❛︎౪❛︎๑)·收工同👦去屋企附近食一間由台東人主理既台灣菜🎉店員們都勁親切勁有禮貌😍 大部分食材都係由台灣運送到港👍唔洗飛台灣都食到性價比極高既台灣菜🙏❤️ 選擇頗多～選擇困難症既我都心思思😄 推薦可以揀套餐！好抵食！人均$100左右咋！～🎵·🌟麻醬乾拌麵套餐 $59 (包飲品)極濃郁既麻醬乾拌麵😍 麻醬愛好者必食呀！OMG極掛汁😋 麵條有嚼勁～ 成碗麵極香花生芝麻味，鹹香可口，連埋啲肉燥撈埋一齊食！超香濃👍👍👍·🌟煙燻滷味拼盤 $59拼盤擺得好吸引！隔離檯都望左幾眼👀 有豆乾、海帶結、甜不辣同滷蛋，醬汁偏甜，都幾入味👏·🌟綜合麵線套餐 $56 (包飲品)我的最愛— 大腸麵線🍜！麵線根根分明，湯帶點木魚花既香味，落啲醋同胡椒，食落勁開胃😋 大腸好入味，帶少少肥膏勁香😋 蠔仔好新鮮🦪 ·🌟加配鹽酥雞(半份) $20推！鹽酥雞雞肉多汁，粉薄肉多👍 件件都好大舊😯 最正係佢上面鋪左啲生蒜🧄！超惹味😋·🌟加配甜不辣(半份) $20Um...自己鍾意炸甜不辣多過滷水甜不辣😏 炸甜不辣一啲都唔油，非常乾爽！好好食😋·🌟肉鬆起司蛋餅 $36最鍾意食肉鬆芝士味，味

今次黎到鐵花村呢間台式小店，店內裝潢好有台東味，見佢佈置都充滿特色好靚～主食方面，最推介係佢哋嘅新竹牛肉米粉，用番茄湯底，味道清甜自然，牛肉炆得夠腍又有肉香。新竹米粉煮得啱啱好，彈牙唔會淋，好掛湯，食完會想Encore。麻醬肉燥乾拌麵都非常有水準，麻醬香濃但唔膩，撈勻後每條麵都掛住麻香同肉燥嘅鹹香味，口感好豐富，加埋蔥花更惹味。小食試咗蒜泥白肉，肉片薄身但夠爽口，蒜香醬汁微辣開胃，係一道好適合配麵嘅小菜。鹽酥雞都炸得好乾身，外脆內嫩，調味唔會太鹹，唔油膩，好啱慢慢歎。滷味拼盤有豆乾、滷蛋、甜不辣，滷得入味，唔會死鹹，甜不辣特別彈牙，幾有驚喜。甜品方面，一定要大讚佢哋嘅芋頭雪花冰，芋頭味好濃郁，唔係靠糖精砌出嚟嗰種假芋味，雪花冰本身已經夠香夠滑。配料方面好足料，有芋圓、芋泥、珍珠同啲粒粒芋角，口感豐富又滿足，係成餐飯嘅完美收尾。飲品叫咗無糖熱烏龍茶，茶味清香，夠暖胃，啱晒配滷味或者解甜品膩感。最後要讚嘅係店員服務態度一流，有禮貌又親切，笑容自然，令成個用餐過程感覺好舒服。呢間係食物認真有誠意、味道好、環境靚、服務好，係會想再嚟嘅一間台東小店，真心推薦。

🔹️今日到北角 “鐵花村” 食台式小食🍲 店內環境舒適寫意🎶 裝修甚有特式✨️由台東人主理👩🏻‍💼 食材優質, 大部份由台灣直送, 食物高水準😋 濃厚地道風味🥢店員親切有禮👩🏻‍💼👩🏻‍💼 價錢親民💰🔸️南瓜起司蛋餅🫔清甜南瓜、鹹香起司、皮薄煙韌蛋餅, 口感多層次😋🔸️大腸麵線🥨🍜麵線扎實有口感、湯頭清甜不膩、大腸厚度適中有嚼勁, 軟嫩滑順的鮮味口感👍讚呀💞🔸️小瓜仔肉飯🍛同樣是肉燥飯, 肉質比起一般的清瘦, 好適合女生之健康選擇, 惹味不油膩🤤🔸️花枝丸湯🦑魷魚味濃郁, 白蘿蔔把清甜湯底完全吸收晒💖, 🔸️蚵仔煎🦪🍳以酥脆Q彈的外皮、滑嫩香郁的蛋和和鮮甜美味蚵仔, 口感充實🤤🔸️滷雞翼🐔雞翼肉質鮮嫩幼滑, 加上滷水汁相當入味👍🔸️滷豆干🥒滷豆干吸收了濃郁的滷汁, 十分開胃👍🔸️蒜泥白肉🥓鮮甜的肉片沾上蒜味醬油, 鮮味可口, 口感爽口🤗🔸️燙青菜🥬以鮮嫩翠綠油麥菜, 口感爽脆🥢🔸️草苺雪花冰🍓🍨充滿草莓和車厘子香, 酸甜平衡的滋味, 再淋上濃郁草莓醬, 酸甜度適中, 口感細綿鮮明😍🔸️蜂蜜蘆薈茶🥤以香甜蜜糖和蘆薈粒, 味道清爽滋潤👍🔸️蜂蜜柚子茶🍹蜜甜加柚子香, 味道清新☺️🔸️秘制辣椒油🌶堂食試咗自家制辣椒油, 味

呢間台菜小店，平時都好鍾意同朋友專程過嚟食，貪佢款式夠多而且價錢又唔貴，味道出品都唔錯，超受街坊歡迎！除咗平時一定要叫嘅滷肉飯🍚同牛肉麵🍜，佢蛋餅同甜品嘅款式都好多，仲有新推出嘅刨冰同其他小食，完全可以正餐同甜品一齊食，超吸引😍！-——————————————🍚◖瓜仔肉燥飯（小碗）◗ $32平時食開嘅滷肉飯係半肥瘦，呢一款瓜子肉燥會瘦啲，有適當嘅調味甜甜地，同樣好好送飯，相對上比滷肉飯冇咁Heavy嘅一個選擇～🫔◖肉鬆起司蛋餅◗ $36蛋餅個人最鍾意肉鬆口味，加上拉絲嘅芝士，味道鹹香超夾！佢蛋餅係薄薄一層皮，加上蛋漿煎出嚟，蛋香味濃郁，包裹肉鬆嘅鹹香同拉絲芝士，配埋佢酸酸甜甜嘅醬，超好食！🍱◖煙燻滷水拼盤◗ $59呢個係佢哋嘅新品，拼盤擺得好靚，有豆乾、海帶結、甜不辣同滷蛋，滷水味幾濃幾香，滷水甜不辣軟腍腍、煙煙韌韌，食落又幾特別～🍧◖芋頭雪花冰◗ $69喺香港好見到有呢種台式嘅雪花冰，個冰底夠細夠綿密，入口即溶好似食緊雪糕咁！雪花冰本身帶少少芋頭嘅味道，有少少奶味，食落唔覺得甜膩，然後加咗好多蜜漬芋頭同芋圓，芋頭一定鍾意💕🍡◖擂沙芋圓◗ $32用咗擂沙湯丸嘅整法去整芋圓，芋圓裹上花生

#MC帶你去北角.依間隱世台式小店位於港運城後面，門面細細，店面平實無華；其實依間小店已經N訪好多次，因為CP值真係太高啦！➖✨ 鐵花村.餐廳主打台灣菜，由台灣當地人主理；店內採用木系裝潢設計，牆上佈滿大大小小台東路牌及壁畫、掛滿七彩繽紛小燈籠，充滿台灣情懷。➖🥢 瓜仔肉燥飯（小碗）｜$32.半肥瘦滷豬肉粒，肉質腍嫩入味，搭配脆瓜混合肉燥內，口感特別；滷汁鹹甜比例適中，加上少少肉鬆，口感豐富；飯粒用上珍珠米混合紅藜麥，更加健康而且軟硬度剛剛好，味道不錯。➖🥢 綜合麵線｜$48.跟足傳統台灣做法，麵底用上傳統紅麵線，幼身軟腍。蚵仔飽滿不腥；滷大腸爽口彈牙。整體口感偏濃稠滑順，值得一試！➖🥢 肉鬆起司蛋餅｜$36.蛋餅皮薄焦香，蛋味香濃，肉鬆餡料豐富，加上半溶芝士，好邪惡！配上甜辣醬，十分開胃。➖🥢 鹽酥雞（椒鹽／辣味）｜$39.鹽酥雞口感香脆，外脆內軟，配以最簡單嘅椒鹽粉已經好好食。➖🥢 蚵仔煎｜$45.兩邊煎至金黃色，表皮微焦脆口，餅皮煙韌彈牙，蚵仔飽滿不腥，搭配生菜、洋葱、香蔥等餡料，口感豐富，加上特製醬汁，充滿台灣風味！➖🥢 芝士奶蓋芒果烏龍茶｜$30.茶底清香而不苦澀，而奶蓋質感

中午來到北角, 經過見到呢間小店，店入面嘅佈置裝修精美，有好多同台中台東相關嘅裝飾，就決定試一試呢一間台灣餐廳。店舖面積小，午飯嘅時間有好多人幫襯，但等咗一陣就已經有得入座。我叫咗一碗蕃茄紅燒牛肉刀削麵，另外都叫咗一個蒜泥白肉小食同朋友一齊分享。刀削麵每一條都比較闊身，口感特別，亦都好有飽肚感。蕃茄湯底都好開胃，加上牛肉嫩滑厚實，食到最後用紅蘿蔔收尾，食完成碗麵都冇感覺好膩。蒜泥白肉少少辣，都好惹味。 

Lunch time 突然間想食台灣野 去咗北角內街既台灣餐廳。一入到去嘅裝修，好有台灣feel!🤩好多手工嘅熱氣球同埋台灣嘅地圖🗾款式都有幾多選擇有肉燥飯仲有蛋餅同小食 午市套餐仲有包埋嘢飲，嗌咗杯鳳梨烏龍，可以再額外加小食紅燒蕃茄牛肉刀削麵🍅刀削麵好煙韌 牛肉好腍 好容易就咬肉鬆芝士蛋餅呢度嘅蛋餅係皮薄餡多。係喺香港同台灣識嘅蛋餅嗰啲食過最薄嘅一款.餡料好豐富，每啖食落去都好滿足。九份芋圓甜品可以後上. 芋圓加啲碎冰 仲有仙草～夏天食涼浸浸 好舒服額外又叫咗個鹽酥雞。上嘅時候已經凍咗，好似擺咗一段時間。同店員講咗之後 講咗之後 即刻換咗份熱辣辣嘅俾我哋

呢間餐廳次次經過都俾佢嘅臭豆腐差啲臭暈😂不過入到去又唔會聞到嗰浸臭豆腐味，平時勁鍾意食佢嘅蛋餅同鹽酥雞。Melo已經食過勁多次，因為佢嘅台灣口味真係好正宗。今次去食發現佢轉咗新Menu，所以嗌咗幾樣新嘢試吓。我哋今次叫咗以下幾樣：🍠 芋頭湯米粉一上枱就聞到陣陣芋頭香，湯底係用新鮮芋頭煲成，濃稠得嚟唔會滯，有啲似芋頭糕加鹹水角嗰種味道。入面仲有貢丸同花枝丸，煙韌彈牙，個湯撈埋新竹米粉，啖啖都暖胃又滿足。🍜 麻醬乾拌麵麻醬香濃但唔膩，撈埋肉燥一齊食，好惹味！麵條煙韌唔痴口，記得趁熱快啲撈開，愈撈愈香。🍗 鹽酥雞外脆內嫩，唔會太油，每啖都食到九層塔香，爽口又香噴噴。🥚 煙燻滷味拼盤滷得夠入味，有豆乾、海帶結、甜不辣、滷蛋，仲帶少少煙燻香，唔會死鹹。🧀 芝士奶蓋台東藍底層係乳酸味似益力多嘅飲品，加埋厚厚芝士奶蓋，鹹甜中和，層次感豐富，出奇地match。🧋 烏龍珍珠奶茶茶味清香，珍珠啱啱好，唔會太腍，有嚼勁又唔會痴牙，叫咗無糖，好啱我飲！

話說本人較早前帶住小魔怪去台灣搞到冇啖好食，搞到返到香港報復性食台灣菜🙈是日剛好嚟到北角，到食飯時間，搵到呢間鐵花村🤩一入門口成個裝修已經好有台灣feel，我哋叫咗瓜仔肉燥飯，滷肉飯，花枝丸湯，蒜味台灣香腸，再嚟個白桃烏龍茶同百香果乳酸🤤呢度竟然有我鍾意嘅肉燥飯🤤夠晒入味，清爽唔油膩，仲有得揀大碗或者細碗，我哋要留肚食綿綿冰🍧所以要左細碗😌滷肉肥瘦適中，啖啖油香，朋友表示很喜歡上面嘅肉鬆花枝丸味道唔錯，質素幾高；蒜味台灣香腸咬落唔會太肥膩，配埋蒜片食好香🤤飲品不得不讚👍🏻我揀嘅白桃烏龍茶白桃味好香，茶一啲都唔澀，仲好大杯添🤩最後緊係要食埋夏日限定嘅芒果冰，好綿好滑，帶點奶香，超多芒果🥭，超級滿足😋😋

呢間台灣小店喺北角嚟講都算出名，今日平日夜晚去食都全場滿，要等一陣至有位～-嚟親呢度最鍾意食香菇芋頭湯米粉（$49），呢個米粉嘅湯底好濃厚，連埋米粉食啖啖都有芋頭香，芋頭又夠粉，叫一碗可以2個人share食～-今次就試埋鹽酥雞飯（$52），望落好似唔多，但食食下發現有成5-6件鹽酥雞，而且食落唔乾同唔油，呢個價錢嚟講都真係幾抵食～-食親台灣嘢一定要食蛋餅，肉鬆起司蛋餅（$36）入面夠哂多肉鬆，芝士份量啱啱好，唔會淨係食到芝士味，肉鬆又帶啲甜味～蚵仔煎（$45)啲蚵仔大大隻，啲邊位煎到脆卜卜，食落口感有層次～-芝士奶蓋白桃紅茶（$30）同芋香珍珠奶茶 （$29）都有驚喜，芝士奶蓋嘅味夠濃，芋頭味好夠香，拍得住出邊啲手搖店～

呢晚同朋友一齊嚟咗呢間台灣菜餐廳食晚餐，我哋喺食晚餐期間基本上一路都有人等位，一枱走咗一枱又嚟，喺依家咁嘅時勢真係幾勁揪🤩$36「肉鬆起司蛋餅」：蛋餅捲住啲肉鬆同埋熱熔咗嘅芝士咁樣幾好食🤣$26「燙青菜」：我哋叫咗兩碟，一碟係「西蘭花」，一碟係「油麥菜」，兩種蔬菜都新鮮，簡單好食，餐廳仲加咗少少滷肉，咁又好味啲啲🤣$36「蒜味台灣香腸」：油脂勁充足，非常甘香，配生蒜片一齊食好夾，典型台灣食法🤣$40「夜市鹽水雞」：「鹽水雞」肉質軟熟有啲鹹香🤣餐廳又有幾款《台式便當套餐》，咁揀咗 $62「瓜仔肉燥便當」加 $20「滷雞翅三隻」仲包飲品「無糖烏龍茶（熱）」：「瓜仔肉燥便當」係新產品，用咗青瓜同埋瘦肉做，咁樣健康啲，仲幾好味🤣；「滷水雞翼」就滷得好入味🤣；「無糖烏龍茶」簡簡單單仲幫助消化🤣$29「胚芽珍珠奶茶」：珍珠奶茶好滑，又夠香濃，仲有我鍾意嘅胚芽，好飲🤣

👧🏻😋👅🍽✨北角人氣街坊台灣菜🥰-🇹🇼 好耐冇去台灣, 呢度有多款夜市美食, 主打台東風味, 店內有多個天燈裝飾好有feel~🇹🇼 專做街坊生意店員都好nice亦好多熟客支持, 黎緊係對面街仲會開多間新鋪恭喜恭喜🎊-▪️台式粉麵套餐🍜 綜合麵線 $56 有蚵仔同大腸, 濃香唔死鹹, 大大碗好足料, 配埋老闆親身炒既辣油就更正!!🐖 追加蒜泥白肉 $30 隻醬有啲泰式香草既味道, 鹹鮮得黎帶清新, 白肉爽彈半肥瘦唔會太膩🧋 轉配冷鐵花奶茶 +$10 餐配台式茶一杯, 可加錢轉奶茶, 鐵花招牌有茉莉花香, 半糖清新順滑▫️單點🍜 麻醬肉燥乾拌麵 $49 麻醬同肉燥兩樣都較重味但撈埋一齊又唔撞, 麵條彈牙, 麻香肉鮮🍳 鹽酥雞起司蛋餅 $39 鹽酥雞比我想像中冇咁炸, 但的確多左層脆漿更有層次, 芝士溢出好香濃🍗 夜市鹽水雞 $40 雞肉切條肉質緊緻, 配西蘭花, 杏鮑菇, 四季豆, 粟米仔, 用料爽脆清甜配鹽水醬好開胃🦪 蚵仔煎 $45 煎到外脆內軟但完全唔油膩, 蛋香十足配蚵仔鮮甜, 夜市必食!🧋烏龍珍珠奶茶 $28 有淡淡焙香, 揀左三分一糖入口甘香, 珍珠韌度剛好

北角台灣人主理的正宗台東菜✨🩷🦥店舖雖小，但正宗的台灣料理很受歡迎！由台灣人打理的餐廳，餐牌上的台灣餸菜也是很正宗的！香菇芋頭湯米粉 $49 👍🏻👍🏻👍🏻👍🏻👍🏻非常推薦的！✨✨✨✨芋頭溶化於湯中，這個湯非常有口感，芋頭肉與湯同融為一體，而且米粉能掛滿湯汁，當你吃完米粉時，你會發覺連湯也喝光光😆😆鹽酥雞便當套餐 $68鹽酥雞炸得非常之外脆內嫩，為了迎合港人的口味，推出套餐，包飲品，亦可追加小食。花枝丸湯 $30三粒花枝丸，湯底有白蘿蔔的香味，非常清新好飲！煙燻滷水拼盤 $59豆乾、海帶結、甜不辣和滷蛋，份量十足，而且非常入味！推薦推薦✨✨✨西瓜雪花冰 $59夏日炎炎，最適合吃冰，這款是定嘅西瓜雪花冰，西瓜清甜美味，解暑一流！一定要叫！✨✨✨飲品當然唔少得要叫台式的特飲啦！芝士奶蓋烏龍茶和冬瓜茶👍🏻👍🏻

一個人大約12:45入座，好快安排到坐吧枱位置，有個掛鉤可以掛手袋，貼心。今日叫咗個鹽酥雞便當配蘋果綠茶，便當除咗鹽酥雞，仲有半隻滷蛋、一小粒炸花枝丸、西蘭花、少許滷肉同一片台式香腸，可以止下口痕，唔使我叫成個台式香腸便當。調味好夠，食完下午有啲頸渴，不過食飯時唔覺，因為跟餐杯蘋果綠茶都幾大杯，飲品底啲糖漬蘋果肉仲幾香甜㖭～

今日去咗北角地鐵站附近食台灣嘢 都幾正宗 而且食得出啲嘢食有心機煮 有台灣風味麻醬乾拌麵🍜非常重嘅花生醬麻醬一路食既時候都好啜住啜住啲麵條幾有口感連同套餐仲可以加配小食 滷雞翅三隻啲雞翼醃得好入味撈埋啲面一齊食就啱啱好肉鬆起司蛋餅🥞煎得幾香 入邊啲肉鬆鹹鹹地都幾脆 比例啱啱好熱辣辣煎出嚟 食咗兩嚿好飽燙青菜🥬有啲滷水汁同埋肉燥 唔會悶蚵仔煎都煎得幾好 有大大粒蠔仔 生菜做餡料 同埋麵粉麵團嘅比例都恰到好處另外我哋仲飲咗熱嘅胚芽珍珠奶茶 同埋鳳梨烏龍珍珠奶茶好順滑 啲珍珠好有咬口仲有啲胚芽喺面 鳳梨烏龍好大杯 有菠蘿味道 茶香味都幾重