影片
更多
2009-05-27
53 浏览
小妹的第一次食評朋友聚會, 話好耐冇食過深井燒鵝所以特意放工走入去食因冇邊間係食過所以柴娃娃咁入左呢間時間係7-8點到, 都幾多客係度心諗有咁多人應該冇失手啦我地點左8個餸燒鵝一隻, 冬瓜盅, 蟹, 蒸魚, 炒蜆, 椒鹽先尤,芝士蝦伊面, 脆肉瓜炒菇個冬瓜盅其實唔係好想叫但一坐落, 碗都未派好個阿叔已經叫我地要話一日唔做得好多個唔叫就冇其實佢每次經過都講一次見佢咁有誠意, 又唔想佢keep住煩, 要左 來到都ok既夠清囉, 但可能我通常食既都係大酒樓食佢d料相比之下少好多但人人個碗都勁大片冬瓜*2, 冇咩水跟住來左個蝦咪住 !! 我地冇叫蝦喎原來佢地落錯單, 將蟹轉左蝦咁梗係叫換啦, 我地想食蟹嘛阿姐問左好多次『啱唔啱食，唔啱我地換返啦』點知拎返入廚房一陣佢又同碟蝦出返來『蟹賣晒喇, 碟蝦要唔要丫』因為我地係叫一set蟹連魚 or 蝦連魚套餐咁唔要碟蝦佢收條魚正價會好唔抵嘛所以要左, 好有被屈既感覺 !!!仲要過左10min. 另一個哥哥仔捧住碟蟹出來擾攘左一陣頭先個阿叔好惡咁話佢『碟蟹係第二張枱架，人地一早訂左架』唔係話, 食碟蟹都要訂咁大單生意 !?!我都知你碟蝦冇人要就放到鯹但係
朋友聚會, 話好耐冇食過深井燒鵝
所以特意放工走入去食
因冇邊間係食過
所以柴娃娃咁入左呢間
時間係7-8點到, 都幾多客係度
心諗有咁多人應該冇失手啦
我地點左8個餸
燒鵝一隻, 冬瓜盅, 蟹, 蒸魚, 炒蜆, 椒鹽先尤,芝士蝦伊面, 脆肉瓜炒菇
個冬瓜盅其實唔係好想叫
但一坐落, 碗都未派好個阿叔已經叫我地要
話一日唔做得好多個
唔叫就冇
其實佢每次經過都講一次
見佢咁有誠意, 又唔想佢keep住煩, 要左
來到都ok既
夠清囉, 但可能我通常食既都係大酒樓食
佢d料相比之下少好多
但人人個碗都勁大片冬瓜*2, 冇咩水
跟住來左個蝦
咪住 !! 我地冇叫蝦喎
原來佢地落錯單, 將蟹轉左蝦
咁梗係叫換啦, 我地想食蟹嘛
阿姐問左好多次『啱唔啱食，唔啱我地換返啦』
點知拎返入廚房一陣佢又同碟蝦出返來
『蟹賣晒喇, 碟蝦要唔要丫』
因為我地係叫一set蟹連魚 or 蝦連魚套餐
咁唔要碟蝦佢收條魚正價會好唔抵嘛
所以要左, 好有被屈既感覺 !!!
仲要過左10min. 另一個哥哥仔捧住碟蟹出來
擾攘左一陣頭先個阿叔好惡咁話佢『碟蟹係第二張枱架，人地一早訂左架』
唔係話, 食碟蟹都要訂咁大單生意 !?!
我都知你碟蝦冇人要就放到鯹
但係都唔駛咁唔老實架, 當我地傻架咩 !!!!!!!!!!
跟住來主角, 鵝 !!
一放低已經知道唔對路, 照計會好香, 未夾都會聞到架嘛
佢一d味都冇, 仲要超級肥
層脂肪有1cm咁厚
咬落佢又唔脆皮, 仲要食埋d肉都係冇香味
我自問唔係好識食, 但都覺得係唔好食
成隻鵝直情係冇味既, 真係冇味 !! 好似俾滾水浸熟咁
超級渣 !! 係一般食肆叫一隻絕對會好過佢 !!!
講返個蝦, 同隻鵝一樣, 冇味 !!!!
少少鮮味都冇, 難怪要迫我地要啦
其他餸都係唔好食
但又未至於咁差
最後係條魚囉
熟到香口膠咁un
呢d野邊上得枱俾客食架 !!!!
真係好垃圾
成餐飯都食得唔開心
但因為係farewell個朋友
唔想搞到大家唔高興
所以冇出聲
我都未試過有次食剩大半隻燒鵝冇人諗過要打包
张贴