影片
更多
2011-06-16
442 浏览
擒晚去左旺角，朋友介紹，話喺0岩我，夠辣。到埠，已經見到有幾個人試食，一個姐姐熱情介紹，一個姐姐幫客人磅野。據個姐姐介紹，個店度所有食物，全部無糖，無老抽，無味精，甚至無油，天然健康。所有貨物新鮮加工，唔喺冰鮮貨。食辣野，我都夠嘴刁。我行過去，個姐姐已經熱情打招呼， “隨便睇睇，你食唔食得辣0架！”我話“都ok0既”跟住佢用牙籤遞過d野比我“試下先”。我問，“喺咩來0架？” “鴨心，喺有d辣，不過好香好香，” 我放舊鴨心入口，初初少少辣，咬多兩下味道一下子湧曬出來。香，辣。個姐姐見我試到味道，接著說： “我0地尼d辣椒喺台灣高山族霧水辣椒，辣味來得快，去得快。好快你就感覺唔到辣，但喺個香味可以保持好耐。。。。” 個感覺又真喺0甘哦。個香味真喺超正。跟住，我要求試多幾樣，個姐姐都一樣笑容滿面，不厭其煩0甘比我試食。最後我要求試鴨舌，但喺比人拒絕左，理由喺鴨舌來貨好貴，50元100G已經沒什麼利潤，所以，鴨舌不設試食。最後敲定：鴨心100g鴨腸100g鴨亦100g（100g有3只，送一隻）鴨頸兩條，鴨舌200g,共240大元。總體感覺：香，辣，鮮。真喺可以食到濃郁0既香料味道，唔喺普通鹵水
到埠，已經見到有幾個人試食，一個姐姐熱情介紹，一個姐姐幫客人磅野。據個姐姐介紹，個店度所有食物，全部無糖，無老抽，無味精，甚至無油，天然健康。所有貨物新鮮加工，唔喺冰鮮貨。
食辣野，我都夠嘴刁。
我行過去，個姐姐已經熱情打招呼， “隨便睇睇，你食唔食得辣0架！”
我話“都ok0既”
跟住佢用牙籤遞過d野比我“試下先”。
我問，“喺咩來0架？”
“鴨心，喺有d辣，不過好香好香，” 我放舊鴨心入口，初初少少辣，咬多兩下味道一下子湧曬出來。香，辣。
個姐姐見我試到味道，接著說： “我0地尼d辣椒喺台灣高山族霧水辣椒，辣味來得快，去得快。好快你就感覺唔到辣，但喺個香味可以保持好耐。。。。” 個感覺又真喺0甘哦。個香味真喺超正。
跟住，我要求試多幾樣，個姐姐都一樣笑容滿面，不厭其煩0甘比我試食。最後我要求試鴨舌，但喺比人拒絕左，理由喺鴨舌來貨好貴，50元100G已經沒什麼利潤，所以，鴨舌不設試食。
最後敲定：
鴨心100g
鴨腸100g
鴨亦100g（100g有3只，送一隻）
鴨頸兩條，
鴨舌200g,
共240大元。
總體感覺：香，辣，鮮。真喺可以食到濃郁0既香料味道，唔喺普通鹵水0甘老抽+糖+味精。辣味唔遮香味，食到唏哈但喺停唔到口0甘制。又真喺冇冰鮮貨0甘0既雪味。肉味，香味，辣味都超正。
順便值得一提0既就喺：佢0地0既鹵水真喺冇油，當晚揸車回家途中已經消滅左鴨腸，兩隻鴨亦，大半條鴨頸，竟然一d都唔覺得個人涸，口渴。我相信佢0地唔加味精之說。
多口一句：大陸d野我又真喺唔夠膽食，冇話香料，單講d死鴨，死雞一蚊只回收都驚到毛管戙，香港喺貴d，但喺香港舖租，人工，原料，加工等都重皮過大陸多多聲，最重要有一點：食得放心。
我會繼續幫襯。
张贴