鉄人旨花

营业中

休息中

幾日前已經book好咧間餐廳為男朋友生日作準備，訂位時已經確定會有生日甜品安排，而且店員主動話為我地安排中間位置，等我地可以欣賞師傅手藝........生日當日，我地被安排到側面既位置，當時就已經對之前既承諾所失望，但見差不多滿座就無再深究了......最後我地點左個龍蝦鐵板燒，首道菜應該係汁煮白鱈魚，但師傅因就手關係，先整左海膽汁龍蝦俾我地，第一道菜已經上左濃味既，搞到之後食唔到較清淡既白鱈魚既味道，相信由淡至濃既食法係常識吧！可見餐廳對食物唔係咁重視！其餘菜式味道其實也很普通，感覺係名大於實，唯一值得欣賞既係擺盤。重點來了！我地今餐係生日飯，當然不少得生日甜品，但我地食完跟餐既雪糕後，等左二十幾分鐘，都仲未上生日甜品，最後忍唔住同侍應講，點知佢竟然反問係咩甜品！最後，要同佢講係生日甜品啊！！！佢果陣時先同我安排，結果仲要等多十幾分鐘，個生日甜品燒丸子先到！明明訂位果陣一早安排好，但最後竟然可以漏左安排，搞到要係壽星面前追佢個生日甜品，真係咩驚喜都無晒........咧間餐廳定價唔平，食物又普通，安排更加係差勁，所以大家訂位前真係要三思！因為隨時有「驚」喜！！！