影片
更多
2024-02-04
790 浏览
網上見到唔少老字號、人氣小店等相繼宣佈結業，幾許唏噓😢有幸係開業將近四十載嘅呢間中式糖水舖，結業前提前嚟回味一下～下午3點開門前已經有人龍排隊等，天氣凍入到去食碗熱辣辣嘅薑汁撞奶真係暖入心😳店舖以即點即撞嘅薑汁撞奶馳名，辣度同甜度都可以按顧客要求加減呢樣貼心👍薑汁味重而且奶香濃，兩者平衡得好好味😋用薄身鐵匙羹片起食，入口好滑溜，食完一碗會想再encore~臨走不忘買包薑汁軟糖，甜得嚟煙煙韌韌，薑味相對冇咁強勁，即使完全唔食得辣都啱食👍家庭式嘅經營，除咗keep到味道水準好，仲有份人情味☺️可惜店主年紀大，店舖將會係2月底結業，成為街坊回憶入面嘅味道了～
下午3點開門前已經有人龍排隊等，天氣凍入到去食碗熱辣辣嘅薑汁撞奶真係暖入心😳店舖以即點即撞嘅薑汁撞奶馳名，辣度同甜度都可以按顧客要求加減呢樣貼心👍薑汁味重而且奶香濃，兩者平衡得好好味😋用薄身鐵匙羹片起食，入口好滑溜，食完一碗會想再encore~
臨走不忘買包薑汁軟糖，甜得嚟煙煙韌韌，薑味相對冇咁強勁，即使完全唔食得辣都啱食👍
家庭式嘅經營，除咗keep到味道水準好，仲有份人情味☺️可惜店主年紀大，店舖將會係2月底結業，成為街坊回憶入面嘅味道了～
张贴
