我杯茶 (永興樓)

营业中

休息中

之前嚟過好幾次，都係食蔥油雞飯，一直都想試仙草麵。今日下定決心，揀咗呢一個魚片魚腐仙草麵。大少返兜咖喱黑毛豬豬扒飯，佢話好食喎。當然唔少得熱奶茶。其實所謂嘅仙草麵，類似西洋菜麵或者波菜麵咁上下啦，都係用蔬菜做出嚟嘅麵。雖然個麵係綠色，但係我食唔到任何蔬菜味道。當佢普通一個魚蓉麵咁就可以啦。魚腐裏面真係食到有少少鯪魚肉。個湯底比較清淡，反而上面加咗幾塊紫菜同埋芝麻比到少少味道。呢個麵我覺得適合想食得清淡嘅朋友。大少嗰個咖喱黑毛豬豬扒飯，個水準同平時一樣，唔會太大參差。