影片
更多
2019-07-19
883 浏览
想食放題好一陣子，今日又咁岩係旺角整野無咩點食過野，完左當然揀間放題食下放肆下😋先俾啲放題紙仔大家睇下。都好多款選擇！另外除左叫既食物，餐廳亦有自助區可以拎飲品、甜品、雪糕等！凍飲飲品都兩大櫃，其實仲有毎小暖飲櫃係隔離有維他奶果啲，不過唔記得左影！😂甜品區，都唔少選擇啊，最頂仲有細細盒果啲百福豆花同yoghurt 連榴連雪條都有😂😂不過我地都唔食榴連好喇介紹下食物。食放題當然要先講刺身！佢啲刺身算新鮮，三文魚都好厚切、油甘魚都好食！比起上次某放題店（我地之前都有介紹過）唔鮮又唔甜既刺身，依度既實在高質太多！！再黎我地會講下比較推薦既幾樣～先講依個牛油炒雜菌，唔好睇佢個樣平平無奇，但其實 超 級 香 牛油味、蒜味！而且完全無菇菌類既少少腥味，我地encore左好幾次！另一個係辣酒煮大蜆，蜆肉無沙，香辣開胃，不錯～再黎係芝士蒜香焗蝦，芝士怪表示幾鐘意依個！芝士加蒜本身係不敗組合，加落蝦度都好夾！雖然啲蝦幾痴殼有啲難一次過起到蝦加芝士係小麻煩，但人地勝在好食嘛。最後介紹下佢啲甜品。放題啲甜品通常好伏，但正因為咁我地先更加要試下究竟有幾伏😂點知佢啲甜品大致正常，無話好伏，而左下伯爵茶奶凍好香茶
先俾啲放題紙仔大家睇下。都好多款選擇！
另外除左叫既食物，餐廳亦有自助區可以拎飲品、甜品、雪糕等！
凍飲飲品都兩大櫃，其實仲有毎小暖飲櫃係隔離有維他奶果啲，不過唔記得左影！😂
甜品區，都唔少選擇啊，最頂仲有細細盒果啲百福豆花同yoghurt
連榴連雪條都有😂😂不過我地都唔食榴連
好喇介紹下食物。食放題當然要先講刺身！
佢啲刺身算新鮮，三文魚都好厚切、油甘魚都好食！比起上次某放題店（我地之前都有介紹過）唔鮮又唔甜既刺身，依度既實在高質太多！！
再黎我地會講下比較推薦既幾樣～
先講依個牛油炒雜菌，唔好睇佢個樣平平無奇，但其實 超 級 香 牛油味、蒜味！而且完全無菇菌類既少少腥味，我地encore左好幾次！
另一個係辣酒煮大蜆，蜆肉無沙，香辣開胃，不錯～
再黎係芝士蒜香焗蝦，芝士怪表示幾鐘意依個！芝士加蒜本身係不敗組合，加落蝦度都好夾！雖然啲蝦幾痴殼有啲難一次過起到蝦加芝士係小麻煩，但人地勝在好食嘛。
最後介紹下佢啲甜品。放題啲甜品通常好伏，但正因為咁我地先更加要試下究竟有幾伏😂點知佢啲甜品大致正常，無話好伏，而左下伯爵茶奶凍好香茶香、右上baileys蛋糕都不錯。
總結黎講，二百幾蚊食到依個質素既放題好少，係抵！仲要我地星期晚8:45後去，仲有折，每人加埋一二百蚊左右埋單，超值又滿足🤩
张贴
