甜甜咖啡 (已結業)

好耐好耐之前，呢間舖係有忌廉汁天使麵架。不過唔知點解後來又無左啦，直之最近又有番。咁我當然試下啦，咁好食既。忌廉湯依舊咁好飲，又夠滑同夠香。忌廉味又夠，加舊新鮮熱辣既牛角包就更好食啦。忌廉汁三文魚天使麵同以前既味道差唔多，不過我都係覺得以前既味道會濃d好味d。但我覺得而家既味道都唔差既，個麵唔會太dry就好好架啦。三文魚同以前一樣新鮮，不過都係即刻食好d，唔係熟左就唔好味啦。黑椒牛扒個味道同之前食既都係咁上下，牛扒都算幾大舊。肉質鮮嫩同好juicy。黑椒汁好惹味，新鮮炸既薯仔好好食。雖然價錢係貴d，不過好食就得啦。