新珊瑚堡餐廳 (已結業)

有一日我走到淘大，約咗朋友食飯。行吓行見到板長啦，就好想行入去食飯，點知我朋友向上望吓，見到有D鐙光。就上去睇吓。一睇，原來係間餐廳。就咁入咗去食飯啦！但奇怪，點解個個人都係食鉄板。我一見到餐牌，原來非常之平!!唔洗$90就可以食牛扒………………係同區最平一間於是就叫一份西冷牛扒黎食，我叫五成熟跟黑椒汁架。一黎到就好有氣勢，個鉄板出灑煙，傳黎牛扒香味。之後，服務員就叫我用紙巾擋住，加汁，嘩見到D汁彈吓彈吓，走灑出黎。食落去肉質唔算太硬，都幾淋。就連老人家都話正呀!而我朋友，就叫咗＂是日睌餐＂A 西冷牛扒伴雜肉腸。呢個餐，雖然係買69蚊……但係份量十足，件西冷唔再話，個條腸先至係主角，一見到就覺得好好味，一條白色，一條紅色，非常大條。用黎送食就一流。最後，有一樣係唔可以唔叫的，就係甜品。燉蛋，食落個蛋味十足。Mose，通常有朱古力味同士多啤梨兩種。除此之外，種有生啤同雞尾酒買。總括黎講，呢間餐廳就一流啦。