幸福堂 (已結業)

之前幸福堂一登陸香港，就已經瘋摩左全香港。去親銅鑼灣店，都係大排長龍，閒閒地都要等成幾十分鍾。見到都已經怕怕，不過經過風波後，台灣直營店終於再登陸香港，係旺角開店。咁岩呢日去到條龍唔算太長，果斷去排隊！差唔多全透明設計，可以見到店員係到炒黑糖珍珠。我就點左個最出名既黑糖珍珠奶茶，好可惜冇得調整甜度同冰度。因為佢既冰係佔左個杯一半！本身個杯已經比其他手搖飲品細，再加上咁多冰，真係好快飲完，CP值真係唔高。另外，可能平時我都會叫少甜，而碰著呢杯冇得少甜既飲品，對我黎講，係稍甜左少少。但不得不說，佢既黑糖珍珠係好食既！同其他普通奶茶珍珠有明顯分別，甜Ｄ，煙靭Ｄ。如果係黑糖珍珠真粉既人，可以去試下既。