一風堂 (新港中心) (已結業)

喜歡拉麵、但唔鐘意排隊…呢個係我遲遲都未試一風堂既原因!終於等到悠長假期可以一試!下午4點到達、好野、唔駛排隊~難得既機會、一定要試晒d招牌菜!先上餃子、外表漂亮、有我鐘意既葱花。個人喜歡既餃子係要煎'濃'小小、新鮮夠熱、同埋醬汁要香帶醋味。但好遺憾呢碟餃子做唔到、唔脆唔熱無肉味、好失望!跟住到叉燒角包啦可能下午茶時間d師傅都累、個包都係唔夠熱。叉燒是夠厚的、但味道普通、好難留印象。終於都到主角拉麵kasane雞湯豬骨出場、亦都係我最欣賞既!熱辣辣既湯飲得出重料雞湯同豬骨甜味、飲左之後唔太口渴.雖然唔係我最愛既粗身麵、但麵身軟硬式中、的確不錯! 配料既蛋同葱花只係普普通通、叉燒是可以的、肥瘦適中、厚薄都match碗麵!總結、價錢合理、拉麵ok、只係其實小食普通。唔明白何解要大排長龍!