影片
更多
2023-03-20
189 浏览
楚撚記開業以來都經常full booking，之前試過叫外賣到會，已經覺得食物質素好好，今次一家人同爸爸慶生，提早好多日訂位，終於都可以親身嚟食啦！.呢度裝修好有特色，充滿懷舊大排檔風情，好多打咭位由於我地一行10人，所以都叫咗好多款菜式.1.西楚霸王雞：雞件肉質夠滑，上面舖滿炸蒜同香蔥，但略嫌雞味唔夠濃2.原隻脆皮炸豬手：呢度的招牌菜，豬手皮的確香脆，大大隻又夠入味😋3.一口脆炸雙重芝士波波：熱辣辣即炸，入面好重芝士，但唔知點解叫雙重？因為只食到芝士，呢個OK啦味道唔太特別4. 韭菜花小炒王：有韭菜花、腰果、炸銀魚仔，香口又夠脆，好食😋5.脆皮炸大腸：炸得好香脆，每件下面都有菠蘿，一齊食可以減低油膩感，幾好！😋6.白灼鵝腸：鵝腸似乎煮得過火少少，太淋唔夠爽脆7.生炒骨：唔會好厚粉，肉質唔錯，個汁甜甜地又唔會太漿口，配有菠蘿同蜜桃，食完唔會好油膩8.蒜香骨：勁多炸蒜，好夠鑊氣，惹味香口，鍾意重口味嘅人啱哂！9.頭抽豉油皇銀芽炒麵：炒得夠乾身唔會成碟油，上面又有少少芝麻，令整體口感都豐富咗10. 家鄉炒米粉：入面有火腿絲、蛋絲、銀芽，同樣我鍾意佢吵得夠乾身11. 鮑汁海皇福建炒飯：呢個正
.
呢度裝修好有特色，充滿懷舊大排檔風情，好多打咭位
由於我地一行10人，所以都叫咗好多款菜式
.
1.西楚霸王雞：雞件肉質夠滑，上面舖滿炸蒜同香蔥，但略嫌雞味唔夠濃
2.原隻脆皮炸豬手：呢度的招牌菜，豬手皮的確香脆，大大隻又夠入味😋
3.一口脆炸雙重芝士波波：熱辣辣即炸，入面好重芝士，但唔知點解叫雙重？因為只食到芝士，呢個OK啦味道唔太特別
4. 韭菜花小炒王：有韭菜花、腰果、炸銀魚仔，香口又夠脆，好食😋
5.脆皮炸大腸：炸得好香脆，每件下面都有菠蘿，一齊食可以減低油膩感，幾好！😋
6.白灼鵝腸：鵝腸似乎煮得過火少少，太淋唔夠爽脆
7.生炒骨：唔會好厚粉，肉質唔錯，個汁甜甜地又唔會太漿口，配有菠蘿同蜜桃，食完唔會好油膩
8.蒜香骨：勁多炸蒜，好夠鑊氣，惹味香口，鍾意重口味嘅人啱哂！
9.頭抽豉油皇銀芽炒麵：炒得夠乾身唔會成碟油，上面又有少少芝麻，令整體口感都豐富咗
10. 家鄉炒米粉：入面有火腿絲、蛋絲、銀芽，同樣我鍾意佢吵得夠乾身
11. 鮑汁海皇福建炒飯：呢個正常發揮，唔太特別
整體食物質素都真係幾好食，好夠鑊氣，的確做到大排檔風味。
.
而另一重點係成餐連炒麵飯(另外仲叫咗樽竹蔗茅根水)共11樣，唔收茶芥唔收加一，大約$1300全部食到飽，大家都好驚訝覺得好抵食，唔怪得呢度長期爆滿一定要預早訂位啦！
张贴
