影片
更多
2019-02-27
120 浏览
立食嘅文化喺日本絕對唔陌生，但係香港可以立食嘅唔係好多，今次終於可以嘗試到呢種感覺。而更加好彩嘅係，啱啱嚟到嘅時候仲有兩個位，所以唔駛等就可以入去。今次食嘅呢間，店舖嘅裝修有點和風色彩，設計以簡約舒適為主，餐廳嘅面積唔算話好大，“L”形的壽司枱可容納的客人大約10個人左右。壽司嘅選擇其實好多，點單紙同餐簿都有好多款式可以選擇，圖文並茂令客入有更好嘅参考👍🏼最後決定叫盛合、拼盤同單點壽司，可以大包圍。特上吞拿魚盛合不同部位嘅吞拿魚意味住各自嘅脂肪比例會有唔同，不過肯定嘅係佢地都一樣新鮮。肉質細緻，入口甘香帶有油脂，入口即融嘅感覺各有不同，但都唔感覺肥膩，到依家都好回味。而赤身相對肉質緊緻，而咬落帶有好重嘅魚香，好鮮甜。立鮨壽司拼盤(上)海膽，三文魚，油甘魚，珍寶赤蝦同北海道帶子，肉質新鮮，同飯的味道真係好夾，而海膽嘅味道香濃，入口即溶，所以另外叫多左2件。嚴選火炙盛合中拖羅，左口魚邊，帶子，松葉蟹腳壽司同三文魚，以灸燒嘅手法將油香逼出，口感更加香口。而中拖羅，真係一試難忘，油脂比例適中，可以話係入口即溶，而且魚香味重，必試！特上海膽軍艦佢地所採用嘅海膽，食落唔覺得有腥味，而且係帶有甘香同
今次食嘅呢間，店舖嘅裝修有點和風色彩，設計以簡約舒適為主，餐廳嘅面積唔算話好大，“L”形的壽司枱可容納的客人大約10個人左右。
壽司嘅選擇其實好多，點單紙同餐簿都有好多款式可以選擇，圖文並茂令客入有更好嘅参考👍🏼最後決定叫盛合、拼盤同單點壽司，可以大包圍。
特上吞拿魚盛合
不同部位嘅吞拿魚意味住各自嘅脂肪比例會有唔同，不過肯定嘅係佢地都一樣新鮮。肉質細緻，入口甘香帶有油脂，入口即融嘅感覺各有不同，但都唔感覺肥膩，到依家都好回味。而赤身相對肉質緊緻，而咬落帶有好重嘅魚香，好鮮甜。
立鮨壽司拼盤(上)
海膽，三文魚，油甘魚，珍寶赤蝦同北海道帶子，肉質新鮮，同飯的味道真係好夾，而海膽嘅味道香濃，入口即溶，所以另外叫多左2件。
特上吞拿魚盛合 + 立鮨壽司拼盤(上)
32 浏览
0 赞好
0 留言
嚴選火炙盛合
中拖羅，左口魚邊，帶子，松葉蟹腳壽司同三文魚，以灸燒嘅手法將油香逼出，口感更加香口。而中拖羅，真係一試難忘，油脂比例適中，可以話係入口即溶，而且魚香味重，必試！
特上海膽軍艦
佢地所採用嘅海膽，食落唔覺得有腥味，而且係帶有甘香同鮮味，很滑，值得一試！
大吞拿魚腩壽司
好明顯係意猶未盡，所以叫多咗件。
嚴選火炙盛合 + 特上海膽軍艦 + 大吞拿魚腩壽司
19 浏览
0 赞好
0 留言
除此之外，另外再叫左火炙三文魚壽司，三文魚壽司同自家製玉子壽司。
鮮蝦味噌湯
加上鮮蝦嘅味噌湯，味道好濃郁，食完壽司飲啖湯，感覺好滿足。
鮮蝦味噌湯
8 浏览
0 赞好
0 留言
啤酒加枝豆
當然少不了叫杯啤酒，而餐廳因爲叫啤酒所以送左碟枝豆。豆身飽滿, 加上少少鹽，食得出係有豆香，作為配菜，一流好味!
啤酒加枝豆
11 浏览
0 赞好
0 留言
大滿足的一餐！
张贴
