影片
开饭介绍
日式装潢、价格相宜的寿司主题立食店。每天由筑地直运时令食材到港，而醋饭则以日本福井米制作，另外更提供多款外带手卷。
继续阅读
营业时间
今日营业
12:00 - 22:30
星期一至四
12:00 - 22:00
星期五至六
12:00 - 22:30
星期日
12:00 - 22:00
公众假期
12:00 - 22:00
公众假期前夕
12:00 - 22:30
以上资料只供参考，请与餐厅确认详情
有关奖赏计划
相关文章
立鮨❤️地理位置超级方便，好近地铁站🥳食过一次之后佢成为咗我最喜爱嘅日本餐厅之一。性价比超高，抵食得黎，啲野食又新鲜。刺身同寿司都系厚切，三文鱼籽寿司更加系满泻🤤🤤真系好新鲜，好好食。另外仲会推荐牛油果寿司，钟意食牛油果嘅人，一定要试吓，因为真系超级好味，同平时一般嘅寿司店食到嘅系唔一样🥰唯一唔好处嘅系餐厅得几个位，繁忙时间需要等位，同埋坐得有啲迫。用餐时间只有90分钟。人均大约$300一位，埋单后仲送$100 coupon。
继续阅读
记得呢间餐厅啱啱开业嘅时候系立食冇凳坐，后尾唔知系咪都系迎合返市场又加返晒啲凳😹今次晏昼5:30入到餐厅，发现竟然有下午茶套餐优惠，而且价钱仲要劲抵。我叫咗一个刺身定食连埋汤、沙律都只系$75，足足有五款刺身，每款有两片，而且都厚切，完全冇将货就价，以呢个质素嚟讲，呢个价格系超级超级抵。朋友就叫左个都系下午茶餐嘅精选寿司成盒，8件寿司，仲要有一件系海胆军舰，一样都系包埋汤同沙律，当以为已经上完成个餐嘅时候，师傅又上一碗细碗嘅乌冬，朋友食完呢个下午茶餐真系饱到上心口。除咗下午茶餐之外，见到佢嘅限定款入边有生蚝，平平哋$38 1只，又叫咗一只嚟试吓，虽然唔算好大只，但肉质非常爽，有微微海水味但又唔会好咸。另外仲叫咗一个白子小食，白子其实即系鱼嘅精巢，好多人一听到都唔敢食，但其实白纸个口感好正，非常Creamy，配埋个条味酱汁一流。而家知道佢有咁抵嘅下午茶餐，下次去都一定会要喺六点之前入去帮衬🤣🤣
继续阅读
食物味道同价钱系性价比几高，同埋都唔会赶人走，可以慢慢食，见到好多人食完慢慢饮茶吹水。不过正因为咁，等位都耐，黎到门口下一张到我地都等左三十分钟先有位食。寿司上菜黎讲都算几慢。我地叫$9-$17款式简单寿司都要等20分钟（其它客人已经食完吹紧水，所以堂食都系三个师傅做紧我地两个客嘅野食，但佢地可能要做外卖单挂，不过全程听师傅好开心吹水，仲做错左d外卖单）接近$50玉子烧果d就要40分钟，好似愈贵等愈耐咁。但唔赶时间其实系抵食，因为价钱好平。
继续阅读
✔️玉子寿司喺餐厅嘅自家制寿司，系用日本嘅鸡蛋自己制，每一件都非常甜，而且都几好食，再加埋佢本身即刻叫即刻握嘅饭！钟意食黑松露嘅朋友，亦都可以加黑松露！✔️面豉汤不嬲都系呢一间餐厅其中一个我最钟意食嘅嘢，加咗好多虾头去煲，成个汤充满海鲜味，而且有豆腐同埋海带增加成个面豉汤嘅口感，价钱亦都非常抵，钟意饮面豉汤嘅朋友不能错过！✔️带子寿司就非常鲜甜，餐厅系用日本嘅高质带子，加埋Wasabi简直就系正！
继续阅读
立鮨@tst🌟喺附近饮完酒，所以过嚟食少少嘢，嗌咗两个手卷，同埋五六件寿司，个人好钟意佢玉子寿司，系餐厅自家制嘅玉子，餐厅玉子寿司系甜甜地，而且同日本嘅味道非常类似。手卷就推介芥末八爪鱼手卷，辣辣地非常开胃，而且非常钟意佢嘅寿司饭！最后我哋仲叫咗虾头面豉汤，非常香浓嘅海鲜味道！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服务态度 （5粒🌟）🌟🌟🌟🌟🌟衞生程度 （5粒🌟）🌟🌟🌟🌟
继续阅读
您可能会有兴趣的...