忠孝東路

营业中

休息中

今日起附近返工，終於試到想試好耐嘅忠孝東路！門面好鬼靚，入邊裝修都好精緻我同朋友都係六點之前到，所以可以叫下午茶套餐食呢杯真係我見過史上最大杯嘅熱齋啡😂😂成個啤酒杯咁大！珍珠奶茶都好味，感覺上有啲似自己手沖嗰啲英式奶茶，珍珠好似用咗黑糖去浸， 所以好香黑糖味，有啲軟熟有啲硬硬地， 層次真係豐富😂呢碟櫻花蝦炒菜非常之咁有鑊氣滷肉飯嘅肉偏瘦，啱晒我同同事，好鍾意佢個糖心蛋整得好好，加埋啲榨菜一齊食好好味我呢個香脆怪味雞都好正，十足似韓式炸雞， 如果可以有多啲汁去撈飯就更好啦