小王牛肉麵 (已結業)

今日係閒日，去咗沙田食下午茶。我想食台灣嘢所以去咗小王，其實講到呢區嘅台灣菜都唔係咁多選擇，最近開咗茶木，但我成日覺得個價幾離地，所以考慮都唔洗。豬扒肉藻飯，包蜜糖茶 ($52) 豬扒炸得唔錯，有進步。上次食嗰個炸豬扒個粉漿太厚，豬扒肉得小小。今次就恰到好處喇。哇但真係好細碗，幾啖都食晒。呢個價錢俾呢個份量真係好貴，下次都係去大家樂算喇。