拉麵達人 (已結業)

因為在其他食肆無乜機會食蝦拉麵，所以叫了「櫻花蝦達人」。餐牌還有另一款蝦拉麵，因為是辣的，今次不考慮。拉麵賣相很豐富麵：無乜麵味，鹼水味重。湯：濃稠，有蝦和豚味，有櫻花蝦在內。個人口味認為可以不下豚湯，純用蝦湯就好。現在蝦味唔夠鮮明。主要配料：除了粟米和蛋，有一隻連殼炸蝦，兩隻去頭去殼的蝦碌和一片蟹柳。連殼炸蝦好食，有鮮蝦味。去殼蝦碌雖然爽口，但毫無蝦味。蟹柳在第一口咬下時覺得「油益味」好重。整體算好食，但細節要改善。可再惠顧但要試其他款式。