基地叁 (已結業)

餐廳環境充滿時尚感 燈光令人好放鬆主打西餐 唔止食物高質素 飲品都好有心思已經令我期待再回訪🫶🏻慢煮西班牙豬肩有兩大塊豬肩肉 以慢煮方式烹調 肉質非常軟淋底下有好香牛油味嘅薯蓉 沾埋一齊食好好味😋法式春雞鵝肝飯 春雞肉好香嫩 皮薄冇乜脂肪好鍾意飯粒軟硬適中 充滿雞油香氣有唔少羊肚菌同鵝肝粒 配搭豐富 食得極滋味🤤脆炸魷魚圈 炸得好香脆 大大件 咬落魷魚圈仲爆汁😋班尼蛋大啡菇 切開流心嘅蛋汁加上多汁嘅大啡菇 夾着菠菜同煙三文魚 仲有新鮮沙律菜 好好味！Crème brûlée hazelnut frappe香濃美味嘅榛子沙冰 焦糖燉蛋做topping 真係第一次見 增添甜甜嘅蛋香尼一杯好有層次好好飲🤎Baseland顏色好靚嘅Cocktail🍸味道甜甜地 飲到薰衣草嘅香味 好易入口