影片
更多
2020-11-11
2372 浏览
如果唔係朋友推介都唔知中環又開多左間素食餐廳！MA係一間走fine dining路線既vegan餐廳，有唔少創新既dishes，當中有唔少係raw既添，另外仲有好多款自家製vegan cheese。去之前朋友send左個menu比我地揀定食乜野，有好多dishes都要查下字典先知係食乜，睇黎都真係要惡補下飲食知識先得。查完字典之後仲多手整左個中文版menu，下面我都會加入自己譯既名，希望店主唔會介意我亂譯啦。MA係喺中環無肉食既樓上，一去到職員就幫我地探熱，然後發然門口擺住既搓手液係aesop既出品，真係超驚喜！普通人未必留意到依啲細位，但作為vegan，見到間餐廳連搓手液都會去選用vegan & cruelty-free既品牌，就可以見到佢地有幾認真。單憑依點，我已經可以肯定依餐晚飯係絕對唔會另我失望。先送上既係3款Starter，包括Chiaviar, sour cream, quinoa blinis (魚子醬、酸忌廉配藜麥小圓餅)、Faux-gras liver pate, chutney, Keto bread (鵝肝、酸辣醬配生酮麵包)同埋Sans-Egg mayo, av
MA係喺中環無肉食既樓上，一去到職員就幫我地探熱，然後發然門口擺住既搓手液係aesop既出品，真係超驚喜！普通人未必留意到依啲細位，但作為vegan，見到間餐廳連搓手液都會去選用vegan & cruelty-free既品牌，就可以見到佢地有幾認真。單憑依點，我已經可以肯定依餐晚飯係絕對唔會另我失望。
先送上既係3款Starter，包括Chiaviar, sour cream, quinoa blinis (魚子醬、酸忌廉配藜麥小圓餅)、Faux-gras liver pate, chutney, Keto bread (鵝肝、酸辣醬配生酮麵包)同埋Sans-Egg mayo, avocado, Keto focaccia (蛋黃醬、牛油果配生酮佛卡夏麵包)。其實我就從來都未食過魚子醬同鵝肝，所以講唔出同真既似唔似。偽魚子醬係用奇亞籽 (chia seed)整既，有少少黏黏地又有一粒粒既口感，仲有少少鹹香。偽鵝肝就唔係好食得出係咩整，味道比較清淡，配埋無花果醬都幾夾。偽蛋用左印度黑鹽黎營造個蛋味，因為黑鹽有陣sulphur味，所以都扮得幾似蛋，三款starter之中最鐘意依個。
餐廳有自家製vegan cheese就當然要試，叫兩個platter就已經可以試到6款芝士。唔用奶可以點整芝士呢？秘訣就係用唔同既nuts，可惜我掛住食冇認真聽書，淨係記得有職員提過腰果同杏仁咁上下。我本身對芝士冇乜研究，所以只可以用比較layman既角度去形容。North Pole Star即係blue cheese，有一陣幾濃烈既發酵味，就好似臭豆腐咁，有人鐘意有人唔鐘意。Sans-Goat係偽羊奶芝士，除左我地揀左既黑椒片，仲有香草版可以揀，食落唔知點解覺得有啲似芝士腸，加埋啲原粒pepper好有咬口，仲好刺激添。Brie: Pink Peppercorn係面頭鋪左啲紅胡椒既軟芝士，味道比較溫和，好易入口。Cheddar係平時食開既車打芝士味道，味道同平時啲芝士冇乜分別，仲要冇左啲唔係人人受落既奶酥味。Shamembert同Moon & Earth都係比較濃味既軟芝士，啱啲重口味既朋友，食完要食返粒生果中和下先試到其他既味。
去到主菜部分，平時喺香港好難食到raw野，所以揀左屬於raw既French style quiche (法式鹹批)。本身expect係一個批樣，送到上黎變左做一件長方形既餅，好有份子料理既感覺。雖然係raw，但唔好以為一定係凍冰冰，因為raw其實都係可以稍為加熱至42度，所以個dish都暖架。掛住食既我又冇聽書，唔知個批係用咩整，不過都食到啲nuts之類既野，重點係佢真係複製到quiche既味道出黎，好神奇。順帶一提，碟上面既所有野都食得架，包括果朵花花，完全係zero wastage。
除左自己果份，當然都要試下人地果啲。Baked eggless frittata (意式烘蛋餅)都幾大份，個「蛋」食得出係用豆腐做主要材料，食落有少少蒸蛋既texture，都幾得意。
唔好以為Roasted cauliflower steak (烤椰菜花扒)淨係得一大塊椰菜花，佢其實有好多layer，有啲碗豆泥同焗薯墊底，有多重口感同味道，對係用心之作。
Avocado sushi, mango dipping sauce (牛油果壽司配芒果沾醬)係另一道raw，不過我淨係拎左黎影相冇試到。同行朋友仲試左Grilled
king oyster scallops (烤杏鮑菇帶子)同埋Zoodles, Truffle Alfredo sauce, marinated mushrooms (松露白醬配醃蘑菇青瓜麵)。大家都對啲主菜讚不絕口，食得好開心。
本身以為fine dining係貴夾唔飽，點知食完啲main已經開始飽飽地，但仲有4款甜品等緊我地，要出動埋食甜品既專用胃先得。先黎兩件比較light既cheese cake，分別係Passion fruit cheese cake (熱情果芝士蛋糕)同埋 Lychee-rose cheese cake (荔枝玫瑰芝士蛋糕)。食開vegan cake既都知vegan cheese cake係用腰果黎做，有時打得唔夠滑就會偏左nutty既感覺，但依兩件cheese cake既芝士部分係好幼滑，做得好好。另外配搭左生果令成件事清新左，亦令我地可以繼續打大佬。
Classic "Tinamisu" (經典「天娜」米蘇)係chef以自己個名「Tina」命名，可見係佢既得意之作。三層既Tiramisu分別係雲呢拿、咖啡同朱古力，每層既味道同口感都唔同，由軟去到硬，由淡去到濃，好有層次感。如果當佢係一般Tiramisu，可能會有少少失望，因為佢唔係果種質地同埋酒既味道，但如果當佢係一個全新甜品既話，你絕對會愛上佢，仲會想買多兩件帶返屋企慢慢食。
最後依件Triple chocolate cake, whipped coconut cream (三重朱古力蛋糕配椰子忌廉)係終極打大佬，事闗三層既朱古力的確係幾漏，自問唔係chocolate lover唔好除便亂試，食返Tiramisu會比較適合。
最後好想表揚下依度啲職員。平時去一啲外國人主理既餐廳，佢地好多都會請啲講英文既職員，雖然唔係唔識英文，但都會有啲隔膜，尤其係介紹dishes果陣會聽到冇乜心機。但MA依度請既全部都係能操流理廣東話既人，溝通無阻之餘，佢地仲好了解每一個菜式，例如介紹cheese既時候可以比到好多意見我地。而且佢地仲好friendly同funny，令到大家都有賓至如歸既感覺。除左食物既味道之外，佢地既服務亦都係另一個令我想再黎既原因。
张贴
