影片
更多
2021-05-03
854 浏览
幾年前去過Four Seasons參加朋友既婚宴，食物既質素唔係好記得，但佢地既服務就令我印象深刻。平時去飲啲人多數都係炒散，一般都唔會太專業，但Four Seasons依度既員工都好專業，服務週到，令人覺得好舒服。幾年後再黎食afternoon tea，唔知啲服務係咪都係咁好呢？行到門口時有部車落客，企門口既職員去左迎接果個客，企lobby既同事見到我接近個門，就已經飛身出黎開門比我，一眼關七好厲害。之後我問佢The Lounge喺邊個位，佢唔係淨係指示我點去，係直情guide埋我入去，夠哂殷勤。Four Seasons都有vegan afternoon tea set，同行朋友唔係食素就食normal set。個scone係gluten free既，但都發到漲卜卜，口感幾鬆化，仲有陣椰子香味，幾特別。四件鹹點包括Tomato with Quinoa、Purple Potato with Guacamole、Mango & Asparagus Sandwich同埋Cucumber & Green Apple Sandwich。啲配搭都幾新鮮，好少見餐廳用青蘋果。另外值得一讚既係兩款s
行到門口時有部車落客，企門口既職員去左迎接果個客，企lobby既同事見到我接近個門，就已經飛身出黎開門比我，一眼關七好厲害。之後我問佢The Lounge喺邊個位，佢唔係淨係指示我點去，係直情guide埋我入去，夠哂殷勤。
Four Seasons都有vegan afternoon tea set，同行朋友唔係食素就食normal set。個scone係gluten free既，但都發到漲卜卜，口感幾鬆化，仲有陣椰子香味，幾特別。
四件鹹點包括Tomato with Quinoa、Purple Potato with Guacamole、Mango & Asparagus Sandwich同埋Cucumber & Green Apple Sandwich。啲配搭都幾新鮮，好少見餐廳用青蘋果。另外值得一讚既係兩款sandwich，個造型好有驚喜，唔係就咁用兩塊包夾住咁簡單。
四件甜品包括Chocolate Truffle Cake、Caramelised Grilled Pineapple、Soya Milk Agar Jelly with Mango Compote同埋Strawberry with Gold Leaf on Biscuit。最好食係睇落簡簡單既jelly，一般既啫喱都會用魚膠粉，佢地就用左agar，確保vegan friendly。士多啤梨上面塊金箔就顯得貴氣，最適合用黎呃like。
除左個set，職員都會拎啲daily special出黎請客人品嚐，不過因為唔係vegan所以我冇試到。The Lounge既環境令人覺得好舒服，有機會可以再黎。
张贴
