影片
更多
2010-02-17
29 浏览
紙婚記念日係大日子，梗要食餐好，buffet我哋至愛，之前生日食過Yamm，今次就一於過海試試啦！羅生1月尾book位諗住request窗口位，點知小姐話full咗，只有加枱位咁都冇辦法啦，照殺！但個加枱位加咗喺餐廳同商場之間，感覺好搞笑呢！好彩有幾枱人陪我哋啫！話晒5★級酒店，以dinner buffet食物唔算多，質素就有番咁上下，正！生蠔 有海水味同creamy2種，已經開咗放喺冰面，不停refill，唔洗配給，羅生話好新鮮好肥美好正，因為出面多數食海水味嗰隻，佢食咗20多隻添凍海鮮 有蟹腳(切開+原隻)、輩翡螺、藍青口、去殼蝦及大頭蝦，又係不停refill，樣樣都好鮮甜，我至愛蟹腳，又懶，所以不停食切開蟹腳，大約4碟魚生/壽司 有三文魚、吞拿魚、甜蝦、北寄貝等，通通切好排好，又係不停refill，可以自己慢慢夾，唔洗排隊等師傳切２-３塊畀你咁慘！壽司都多款，如赤貝、海老、玉子同腐皮等，不過我冇食過呀！甜品 文華啲cake一向出名，果然好味，有cheese cake、bread pudding、mousse、fruit tart....不過略嫌太小巧，食極都唔夠喉呢！同埋有雪
羅生1月尾book位諗住request窗口位，點知小姐話full咗，只有加枱位咁都冇辦法啦，照殺！但個加枱位加咗喺餐廳同商場之間，感覺好搞笑呢！好彩有幾枱人陪我哋啫！
話晒5★級酒店，以dinner buffet食物唔算多，質素就有番咁上下，正！
生蠔 有海水味同creamy2種，已經開咗放喺冰面，不停refill，唔洗配給，羅生話好新鮮好肥美好正，因為出面多數食海水味嗰隻，佢食咗20多隻添
凍海鮮 有蟹腳(切開+原隻)、輩翡螺、藍青口、去殼蝦及大頭蝦，又係不停refill，樣樣都好鮮甜，我至愛蟹腳，又懶，所以不停食切開蟹腳，大約4碟
魚生/壽司 有三文魚、吞拿魚、甜蝦、北寄貝等，通通切好排好，又係不停refill，可以自己慢慢夾，唔洗排隊等師傳切２-３塊畀你咁慘！壽司都多款，如赤貝、海老、玉子同腐皮等，不過我冇食過呀！
甜品 文華啲cake一向出名，果然好味，有cheese cake、bread pudding、mousse、fruit tart....不過略嫌太小巧，食極都唔夠喉呢！同埋有雪糕就更加好！
即切燒牛肉 剛剛好，粉紅色，鮮嫩可口，好味呀！
仲有沙律、芝士、湯、熱食......我只係食咗沙律同飲咗湯，都唔錯！
餐茶 最後叫咗凍熱檸茶各一杯消消膩滯，熱檸茶好苦，凍檸茶都ok！
埋單600幾蚊，抵食，下次可以再去過！
张贴
