全記點心專門店 (已結業)

好少見有💛 店點心，今次試咗荃灣呢間全記點心😋 雖然要排隊，好彩都好快有位，位置算闊落，都坐得舒服，但食物質素認真大失所望😕🌑 黑金奶皇流沙包($21)呢個推介👍🏼 黑金外表好特別，加埋奶皇流心爆汁流哂出黎，好食😋🥠 沙嗲金錢肚($27)、鴛鴦燒賣($25)、鮑汁鳳爪($30)呢三樣都唔錯，沙嗲金錢肚好惹味，燒賣彈牙，鮑汁鳳爪好重藥材味。🥣 香煎蘿蔔糕($21)應該唔可以叫香煎🙈🙈 好腍好散，應該一路蒸住翻熱，好似一路比水浸住，食唔出煎嘅香脆😅😅中左小伏🥢瑤柱珍珠糯米雞($27)荷葉包得唔好，成隻散晒😰 蒸到d水入哂去入面，d汁多到嚇親，似糯米粥多d🙈 d汁同水多到唔係好知食緊咩😅😅中左大伏唔推介😅另外入到去坐咗好耐都未見有人開茶，茶係用陸羽茶包一人一個😂😂 雖然每人只係$3茶錢，但都有啲失望🙈 可能我哋唔係下午茶時段幫襯，所以感受唔到平日大家大讚嘅特別抵食🤨 如果大家都想試下嘅😉 建議避開我地中伏嘅items，純粹當支持下黃店唔好抱太大期望😅