入到餐廳見到好多乾花佈置，最適合我地女仔打卡😍，好靚啊！職員好快安排左座位俾我地，而且餐廳菜式好豐富，有蛋包飯、炸雞同飯卷等等，好多款都好想試😍。而我地四個都俾韓牛吸引，因為張圖真係太吸引。
韓式牛扒三文治好驚喜，仲有配襯埋3款沙律
：蘋果薯仔蟹子，紅菜頭同南瓜青瓜藜麥。三款沙律都好好食，火速清碟。🤣
另外，芝士炸千層豬扒上面鋪上好厚既芝士，芝士味好濃，岩哂我朋友，佢食到舔舔脷。
燉牛肋骨蛋包飯係強烈推介，一定要叫！因為牛肋骨炆到好入味，配埋蛋包飯簡直一流！另外，配菜既兩款蘿蔔都好入味，可惜得一舊，唔夠喉🤣。
韓式卡邦尼意粉既煙肉碎炒到好香，加埋蘑菇同配埋個醬汁一流。
飲品方面，四杯飲品既賣相都好靚。夏之白桃奶酪既味道好濃，仲有5-6塊新鮮水蜜桃係表面，飲得又食得。而白桃梳打既白桃味糖漿加埋梳打啱啱好，唔會過甜，味道非常清新。而士多啤梨鮮奶咖啡有淡淡嘅士多啤梨味，都唔會比咖啡蓋過。
甜品方面，我地叫左烤朱古力棉花糖，棉花糖燒到外脆內軟，上面淋左朱古力醬底部有消化餅碎，夾埋一口勁好食！😍
