影片
更多
2018-05-24
86 浏览
生日一定要搵間，有情調，有佳餚，有服務嘅餐廳，今晚就訂左呢間意法私房菜，可以好好同女朋友享受呢一晚。叔一向滴酒不沾，眾多酒類都唔係叔嘅選擇，今晚就試試店員推介嘅法國白提子汁，係採用法國用黎釀酒嘅白提子，味道一試難忘，香濃幼滑，甜度高，帶微酸，餐前飲可以令心情更愉快。麵包配特色醬，香草茄子醬同南瓜辣肉腸醬，店員指兩個特色醬都係自家研製，叔特別喜歡南瓜辣肉腸醬，帶一點蕃茄味道，好開胃。麵包烤到外脆內軟，只能係用心嘅餐廳食到。生蠔做緊優惠買一送一，折後都係88蚊2隻，就揀半打嘗嘗鮮，最大嘅係美國pacific rock，肉厚帶爽; 左邊法國lambert，海水味較強，after taste 甜味濃; 上方係西班牙pearl, 比較creamy。整體生蠔質素高，夠大隻，夠鮮甜。鮮蘆筍蟹肉忌廉濃湯，好鮮甜嘅蟹肉，啖啖濃郁忌廉，真材實料。焗白菌蟹肉卷配蕃茄中東米沙津，繼續蟹肉嘅鮮甜，入面包住白菌同芝士，夠哂滋味。下面係中東米加蕃茄，味道清新。鵝肝凍無花果千層酥皮，原來鵝肝醬凍左可以好似刨冰咁整，創意非常，同無花果香甜，非常匹配。香煎鵝肝大大件，煎得外脆內juicy, 味道濃郁，非常滿足。經過一輪
叔一向滴酒不沾，眾多酒類都唔係叔嘅選擇，今晚就試試店員推介嘅法國白提子汁，係採用法國用黎釀酒嘅白提子，味道一試難忘，香濃幼滑，甜度高，帶微酸，餐前飲可以令心情更愉快。
麵包配特色醬，香草茄子醬同南瓜辣肉腸醬，店員指兩個特色醬都係自家研製，叔特別喜歡南瓜辣肉腸醬，帶一點蕃茄味道，好開胃。麵包烤到外脆內軟，只能係用心嘅餐廳食到。
生蠔做緊優惠買一送一，折後都係88蚊2隻，就揀半打嘗嘗鮮，最大嘅係美國pacific rock，肉厚帶爽; 左邊法國lambert，海水味較強，after taste 甜味濃; 上方係西班牙pearl, 比較creamy。整體生蠔質素高，夠大隻，夠鮮甜。
鮮蘆筍蟹肉忌廉濃湯，好鮮甜嘅蟹肉，啖啖濃郁忌廉，真材實料。
焗白菌蟹肉卷配蕃茄中東米沙津，繼續蟹肉嘅鮮甜，入面包住白菌同芝士，夠哂滋味。下面係中東米加蕃茄，味道清新。
鵝肝凍無花果千層酥皮，原來鵝肝醬凍左可以好似刨冰咁整，創意非常，同無花果香甜，非常匹配。
香煎鵝肝大大件，煎得外脆內juicy, 味道濃郁，非常滿足。
經過一輪油膩嘅菜式，食番個蕃石榴雪芭，解解膩，準備迎接主菜。
黑白芝麻焗白鱈魚配蘆筍同墨魚汁，擺桌好有藝術品感覺，黑白對比強烈，魚皮掛上黑白芝麻特別香口，魚肉嫩滑，魚脂味香，女仕們一定很喜歡。
生日給自己一個燭光，餐廳貼心寫上祝語，係生日晚餐最浪漫的亮點。甜點係櫻桃芝士乳酪慕絲配金巴利啫喱，慕絲好幼滑，配有士多啤梨果肉嘅啫喱，酸甜清新，加埋花茶一杯，飯後油膩感盡消。
愉快的生日晚餐，在於環境，服務，食物之外，更在於在我身邊的人，感激所有。
张贴
