原來紅磡都食到震撼級韓國料理！今日特登去咗「韓兄弟」試佢哋嘅生八爪魚刺身，果然冇令我失望～
1
一坐低就點咗個比目魚刺身拼盤，魚片切到透光咁薄，入口鮮甜到不得了！跟住嘅芝士粟米真係邪惡到極，拉絲拉到好似瀑布咁誇張🧀️ 海鮮蔥煎餅煎得金黃香脆，每啖都食到魷魚同蝦仁，誠意十足～
重點當然係生八爪魚刺身！上枱時觸鬚仲微微蠕動，食落去爽脆鮮甜，點少少麻油同鹽已經足夠帶出鮮味～另外個韓牛拼盤油脂香濃，烤到外焦內嫩，包埋生菜同泡菜食真係絕配！最後飲埋碗魚骨湯，濃郁得嚟唔會腥，完美收尾！
1
餐廳環境充滿韓式大排檔風情，價錢合理而且份量十足，絕對會再encore！
