博多拉麵別天神 (已結業)

年幾之前喺尖東橋底仲有間別天神，不過幾個月前就執左。最近發現喺黃埔新開左間，作為拉麵fans嘅我當然要走下啦😆豚骨湯麵— 店鋪寫到明自己係真材實料，100%用豬骨熬製湯底出嚟。飲第一啖湯時發現係真嘅😋濃濃嘅豬骨味～碗麵仲有大量嘅木耳同蔥，材料豐富。用嘅麵質屬於幼麵，份量多，味道唔會太鹹。另一碗係櫻花蝦味，師傅加左大量櫻花蝦，所以湯底蝦味十足😋但我地略嫌唔夠鹹味，所以跟佢枱上面嘅指示，加左蒜蓉同埋七味粉，味道就提升返～之後再嗌多碟餃子，即點即煎，外皮脆身，入面仲有好多肉汁添。呢間分店勝在夠大，想食拉麵又唔想大排出龍，嚟呢間就啱哂👍🏼